醉串 (已結業)

行鬼完書展，全身腳軟軟。手拖兩個喼，肚仔卻空空。行出大馬路，坐低醫下肚。入到去醉串，剛好有位坐，睇下個 menu, 款式選擇多，平日肉串燒，貴有海鮮燒；書展節扣多，可以食豪D。環境都不錯，侍應服務佳。先嚟雞豬串，香脆爽彈牙；煙肉荔枝卷，外脆香帶咸，內枝甜爽滑，口感甜中咸，合拍無得彈。再嚟雞軟骨，香濃爽滑彈，入味又香脆；餃子雞翼串，外脆內肉嫩，餃子香多汁，一口脆滑嫩，口感甚豐富。泰式豬頸肉，外香肉滑嫩，一口一片肉，好快就食曬。炭燒帆立貝，新鮮又香甜，炭香咪入肉，鮮中帶炭香，廚師好手藝，誰可以錯過？M8和牛串，肉味濃鮮美，肉質紋理佳，入口鮮嫩爽，肉汁口中溶，滋味倍感爽！再食碗烏冬，雞扒配泡菜，微棘增食慾，韓風式創新，烏冬爽又滑，食完舌感棘，叫番個飲品。一 jar 柚子冰，乳酪酸帶甜，中和口中棘，愈飲愈滋味，又再叫一 jar.埋單雖頗貴，美味有所值。色香味俱全，醉串皆做到。