影片
更多
2009-07-20
9 瀏覽
解說: 成肚氣係侍應呀姨請既, 但其實點心水準唔差...真係飽晒~先講態度同招呼,1) 跳左飛: 12點半去到等位, 我拎既係第70號飛, 等左約40MINS~~但個呀姨竟然係叫73號3位~真奇怪~我都係3位~我當然走去問啦~點之反而比呀姨話我肯定行開左~我亦都可以好肯定咁答佢~我一路企O係門口, 一步都冇走過喎...2) 冇位都要叫人入座: 入到去只有6人枱有兩個位~咁以為係加櫈座路邊~ 其實我地冇所謂~點知呀姨要我地其中一邊(即係一個人位)要迫住座兩個人...下~未有位好心就唔好叫人入去啦~攪到我地要等隔離O個4個客人走左先敢叫多D食物~又一攪笑係其中一個呀姨話點座都冇所謂啦~你地好快就走架啦~如果咁講~咁不如企o係度食~3) 呀姨做到唔願做: 茶只有普洱或壽眉兩種, 枱冇茶壺, 係由侍應呀姨替人加茶~基本上行咁既政策我都冇咩所謂~但最弊到我地差唔多食完既時候D呀姨叫左3次都唔理人, 後來有個呀姨極唔情願咁幫我地加茶, 但個口就猛鬧人: 話d伙計唔做野~得佢一個做~但其實都係得佢一個全程態度極差啫~4) 冇貨既食物唔通知: 呢件事其實係發生o係同枱搭枱既一個客人身上~而我只係代佢抱
先講態度同招呼,
1) 跳左飛: 12點半去到等位, 我拎既係第70號飛, 等左約40MINS~~但個呀姨竟然係叫73號3位~真奇怪~我都係3位~我當然走去問啦~點之反而比呀姨話我肯定行開左~
我亦都可以好肯定咁答佢~我一路企O係門口, 一步都冇走過喎...
2) 冇位都要叫人入座: 入到去只有6人枱有兩個位~咁以為係加櫈座路邊~
其實我地冇所謂~點知呀姨要我地其中一邊(即係一個人位)要迫住座兩個人...下~
未有位好心就唔好叫人入去啦~攪到我地要等隔離O個4個客人走左先敢叫多D食物~
又一攪笑係其中一個呀姨話點座都冇所謂啦~你地好快就走架啦~
如果咁講~咁不如企o係度食~
3) 呀姨做到唔願做: 茶只有普洱或壽眉兩種, 枱冇茶壺, 係由侍應呀姨替人加茶~基本上行咁既政策我都冇咩所謂~但最弊到我地差唔多食完既時候D呀姨叫左3次都唔理人, 後來有個呀姨極唔情願咁幫我地加茶, 但個口就猛鬧人: 話d伙計唔做野~得佢一個做~
但其實都係得佢一個全程態度極差啫~
4) 冇貨既食物唔通知: 呢件事其實係發生o係同枱搭枱既一個客人身上~
而我只係代佢抱不平啫~
佢食晒所有order左既點心,等左好耐但佢個椰汁馬豆糕仲未黎~~
一問d侍應呀姨先知道冇供應椰汁糕~叫佢不如食桂花糕啦~...
下~根本入單時就應該通知人啦~仲要人地話cancel個椰汁糕時竟然對人黑面~
又晦氣地同收銀呀姨話:取消椰汁糕喎....
有冇攪錯呀~人地等咁耐都冇出聲話你啦~
5)熟客特別優待: 光明正大地拎兩籠同款點心比我地隔離枱客人揀~我望一望~兩籠冇分別~有咩好揀~再聽佢地傾計~~原來係識既...好心就唔好大細超得咁出面啦~~~
6) 嫌人食得少野: 仲有最尾一件攪笑事~個收銀呀姨(即係派飛+叫人入座o個個)望到我地張單話我地食咁少野架~....
其實比起平時已經專登叫多左架喇~...
我地3個女仔食左8碟點心(當中係有較飽肚既包同腸粉等items) ~
就算你真係唔高興~都唔好比客人聽到你鬧佢啦~
明白你地做野辛苦~冇停過手~慕名黎既人又多~
但都請d呀姨要敬業樂業...如果唔係~都唔好諗有回頭客~
當然~點心即叫即蒸~無疑係唔差既~以下開始食評~
8個點心分別係: 蝦餃$16, 豬潤腸粉$14, 粉果$10, 馬拉糕$10, 梅辣雞粒煎堆$12 ,
蘿蔔糕$12, 雲耳爽菜餃$12, 酥皮焗叉燒包$12
先講蝦餃, 細細隻, 唔算薄皮~味道唔特別, 仲要有一粒係食到有唔新鮮梅左既蝦添...
驚喜豬潤腸粉既腸粉皮通透夠薄~食落滑滑既..豬潤唔老冇異味~有水準...^^
粉果雖然多人讚~不過就唔多岩我地口味喇~好多蔥同西芹~唯一可取既係多沙葛...
我自己一向都鍾意食馬拉糕,所以見到佢啡黃色..當然加分了~
咁先似細個o個隻款~而家新派黃色既馬拉糕就差好遠喇~就係少左隻蔗糖既甘香味同懷舊味~當然其鬆軟質感都幾吸引..
梅辣雞粒煎堆...想法新穎~內有辣梅菜及辣雞粒~好惹味~
煎堆煙煙韌韌..唔糊口~ 要一讚係新鮮熱辣之餘~完全冇油留o係碟~炸功不錯又索乾油~
仲有就係以粗粗蘿蔔絲做既蘿蔔糕, 煎得香口又有蘿蔔清甜味~不過就只有辣醬冇甜醬蘸.
特別既雲耳爽菜餃...一聽就知係冇肉健康d~呢隻餃皮薄~又唔會黏住筷子..[而u]內餡透晒出黎~食落又口感~清清地~
當然唔少得一試呢度既招牌酥皮焗叉燒包, 外皮微脆~即焗夠熱~叉燒唔肥夠多甜甜既叉燒醬~
平心而論..呢度既點心師傅水準不俗~加上即蒸既點心其實係好難會難食得去邊~
價錢都唔貴~
不過~奉勸各位要寬容d~同埋儘量係雙數人數先好去~
因為呢度安排入座既方法求其又特別~單數人離座要入番單數客人~
但呢度較少3人或5人去幫襯~所以要有心理準備等耐d...
而且我地座近門口位~進食期間都聽到門外等位客人既無奈同不滿~
加上派飛呀姨態度惡劣又鬧人~
所以~我地三人係唔會再黎架喇~
試過就算~冇必要再黎受氣~
張貼
