影片
更多
2018-01-11
186 瀏覽
1月2日約了朋友到旺角食飯，上網搵到呢間餐廳咁多好評，就訂好位。當日6:00到達，俾咗卡位我哋坐，一坐埋去就見到椅背好明顯有撻醬汁喺度無人抹，成張檯又痴痴立立，連支點餸筆都係痴立立。侍應收咗我哋「首輪點單紙」之後，果然好快就有嘢食，但係我哋點嘅數量同送上檯嗰盤嘢少咁多嘅？！我哋咪再叫囉，嘩！今次等成十五分鐘都未有嘢食再黎。經理留意到，主動走埋黎問我哋叫咗乜，話同我哋追，咁追過之後都仲要等十分鐘先有嘢到，不過，又係明明一張紙填咗五樣嘢，最後得一樣嘢黎，我哋填一份嘢嘅就出咗兩份，既然你哋鍾意出幾多就幾多，洗鬼我哋填數量咩？！刺身切得好薄，珍寶帶子佢哋開半，燒物係無醃過就咁燒，無黎味道。燒菠蘿無端端又落糖喺面頭燒，一口牛一碟得幾粒，薯仔仲多過佢。我哋根本食唔飽，單追幾次都唔黎一碟，追到我哋都無心機再追。真係唔明呢間嘢服務差，嘢食又差，環境逼夾又唔衛生，那裏來的好評？一定唔會再去呢度！
刺身切得好薄，珍寶帶子佢哋開半，燒物係無醃過就咁燒，無黎味道。燒菠蘿無端端又落糖喺面頭燒，一口牛一碟得幾粒，薯仔仲多過佢。我哋根本食唔飽，單追幾次都唔黎一碟，追到我哋都無心機再追。
真係唔明呢間嘢服務差，嘢食又差，環境逼夾又唔衛生，那裏來的好評？一定唔會再去呢度！
張貼
