影片
更多
2016-05-23
611 瀏覽
去完日本旅行依然念念不忘日本美食 咁岩上網見到銅記有間明太子專門店 -鱈卵屋 抱住試一試既心態 希望搵返多少日本既感覺 咁就成為我人生一段永不磨滅既記憶餐廳係簡約風格 有一種日本家庭式的感覺 除左餐飲外 更會有明太子的產品 供客人購買 非常有心思講到明明太子專門店 食品當然會有明太子係入面 先叫左碟小食薯條加明太子醬 好似普通野喎 樓下M 字頭快餐店日日都食 如果你咁諗 我只能夠講一句 「少年 你還太年輕了！」曾幾何時 我都以為M記薯條加茄汁 係一對冇得輸既組合 有呢個諗法 証明我都好年輕 試完呢個薯條加明太子醬後 絕對會改變你對薯條既概念 明太子醬同薯條既合體 脆中帶甜既味道 我認為已經非筆墨所能形容 簡直就好似李白既詩一樣 渾然天成 毫無半點缺點 再黎係明太子蛋捲 由於太多人叫呢道菜 所以我必須點一點試下 結果都沒有失望 明太子同蛋 從來都係合拍既夥伴 驟眼睇 會以為只有簡單一層蛋卷 但細心睇會發覺有多層蛋層 可見廚師要逐層逐層咁做 非常細心 絕對值得一讚 每一層都布滿明太子 食落去非常嫩滑 充滿蛋香同明太子香 絕對繞樑三日跟住食既係多士 由於我個人比較貪心 所以一次叫左兩款味
咁岩上網見到銅記有間明太子專門店 -鱈卵屋 抱住試一試既心態 希望搵返多少日本既感覺 咁就成為我人生一段永不磨滅既記憶
餐廳係簡約風格 有一種日本家庭式的感覺 除左餐飲外 更會有明太子的
產品 供客人購買 非常有心思
講到明明太子專門店 食品當然會有明太子係入面 先叫左碟小食薯條加明太子醬 好似普通野喎 樓下M 字頭快餐店日日都食 如果你咁諗 我只能夠講一句 「少年 你還太年輕了！」曾幾何時 我都以為M記薯條加茄汁 係一對冇得輸既組合 有呢個諗法 証明我都好年輕 試完呢個薯條加明太子醬後 絕對會改變你對薯條既概念 明太子醬同薯條既合體 脆中帶甜既味道 我認為已經非筆墨所能形容 簡直就好似李白既詩一樣 渾然天成 毫無半點缺點
再黎係明太子蛋捲 由於太多人叫呢道菜 所以我必須點一點試下 結果都沒有失望 明太子同蛋 從來都係合拍既夥伴 驟眼睇 會以為只有簡單一層蛋卷 但細心睇會發覺有多層蛋層 可見廚師要逐層逐層咁做 非常細心 絕對值得一讚 每一層都布滿明太子 食落去非常嫩滑 充滿蛋香同明太子香 絕對繞樑三日
跟住食既係多士 由於我個人比較貪心 所以一次叫左兩款味道 一種係明太子多士 另一種蒜香多士 坦白講 我非常欣賞餐廳勇於嘗試既精神 但明太子多士 俾人一種不太搭配感覺 個人還是比較喜歡傳統既蒜香味
最後緊係要食個飯先飽肚 我叫左個-鱈卵碗 佢材料有 蛋絲 竹筍粒明太子組成另外可以在按個人口味選擇一款配菜 我就選擇咗三文魚 材料豐富 賣相吸引 仲有三種食法 絕對係新奇好玩 好食 ， 一黎到 先把所有材料攪拌好 然後直接食用 咁就係第一種食法 第二種食法就係可以加入其他嘅調味料例如紫菜芝麻等等 而第三種就係加入上湯攪拌 個人最喜歡湯飯咁食
最後仲買左個小食走 焦糖花生小食 有少少辣味 仲有焦糖嘅甜味 脆卜卜 有d 似爆谷 用黎睇戲食係一流
最後我必須講 薯條加明太子醬係絕對必定要食 點解我話人生不能磨滅既記憶 因為我人生第一次有咁既感覺 「以後食唔返點算阿!」
張貼
