同撈同煲

營業中

休息中

最近天氣凍返啲 又係時候同朋友打邊爐啦☺️雖然我都唔係住呢邊 不過今次就跟住朋友去咗呢間九龍城打邊爐 個人來講都幾鐘意裡面既格局 無論係擺設定裝潢都好有舊式茶記既感覺🙈今次係平日夜晩黎 但都幾多人食🙂同朋友就叫咗沙嗲湯底 沙嗲味濃 而且底下會有花生架 如果想飲埋煲底嘅湯就可以要其他湯底 見到都有唔少客飲湯食材好新鮮 個人推薦就係佢哋嘅安格斯牛肉 價錢唔會話太貴 但係牛肉好有牛味 而且食落去真係滑👍🏻大家如果叫咗濃湯仲可以加薯粉 真心正😽食到最後店員係會免費送兩種甜品 首先就係一杯杯啫喱 上面加左花奶都真係有懷舊嘅感覺😂比較特別嘅係糖不甩 店員會將魚魚年糕淥到林哂 之後剪開一舊舊 撈埋花生碎同椰絲黎食 初頭見到店員將年糕直接放入沙嗲湯煮 真係驚會吸晒沙嗲嘅味 不過意外竟然冇😂😂 總括而言 食物質素真係唔錯 店員都好友善 主動行埋黎幫手👍🏻不過價錢就會比一般火鍋店貴少少啦🙈