杜老誌大飯店 (已結業)

見最近開咗呢間新嘅中菜廳，趁假日同家人黎食晚飯~餐廳風格以80年代為主，設計都較有舊式香港嘅味道，飯桌都按照舊式香港茶樓設計，裝修幾有心～瑤柱蛋白炒飯夠鑊氣，飯粒粒粒分明而且炒得夠乾身，飯粒都吸收左瑤柱嘅香氣，整體鮮味提高～蛋白炒得都夠嫩滑，大家好快就食清光了😂好少見到有炸鮮奶，見到就專登叫黎試吓，炸鮮奶炸得金黃色好漂亮，而且外皮炸得夠香脆，鮮奶夠軟滑，甜而不膩，配合外脆內軟嘅感覺好有風味~紅燒乳鴿外型都夠得體，望落脹卜卜有色澤，食落肉質夠結實，不會太韌或有渣，而且肉味濃郁，咬開有肉汁，外皮亦夠香脆，食落也不錯~食中菜怎能沒有原隻炸子雞，炸子雞係個人最喜愛嘅一碟菜，炸子雞做得到皮脆肉嫩嘅效果，咬開雞肉仍是熱辣辣的而且肉汁豐富，外皮夠薄但富有油香，而且賣相金黃色的很吸引🤤花蛤蒸水蛋賣相很美，花蛤渭城一朵花既樣子好吸引，整碟份量很多，花蛤肉質彈牙，雞蛋亦夠鮮嫩，而且花蛤嘅鮮味被雞蛋鎖住，很是鮮甜~好彩花蛤沒有沙，呢點我是最欣賞的~價錢尚算適中，夠五至六個人食，而且質素亦不錯，有機會再幫襯~