杜老誌大飯店 (已結業)

最近約左2位舊同事見面, 灣仔地頭既佢地提議食杜老誌大飯店～佢地話平日LUNCH 都唔錯, 可以試下DINNER~一入到去，個裝修好新淨，而且有懷舊風，大概係HK 70至80年代，好有風味～我地叫左幾個小菜：街邊臭豆腐、花甲蒸水蛋、椒鹽魷魚鬚、金巢咕嚕黑豚肉。街邊臭豆腐炸到好香脆，遠處聞起來臭，食起來有香；而且質地外焦內脆軟嫩，正～花甲蒸水蛋賣相極OK, 花甲既味道令水蛋添幾分鮮甜，而且水蛋好滑溜，好滋味!!椒鹽魷魚鬚, 皮炸得好鬆脆酥香，外面沾滿爆香既蒜末、食落鹹香惹味，而且魷魚鬚肉質彈牙, 爽口, 忍唔住食完一條又一條. 金巢咕嚕黑豚肉，甜甜酸酸好好味呀，勁開胃，而且入面既黑豚肉軟綿綿，唔錯!!最後加個甜品, 菠蘿皮焗西米布甸，嘩，個菠蘿皮真係好正，食落好鬆化，而入面既布甸唔會太甜，幾好食～埋單唔算好貴, 每人LESS THAN $200, 都幾抵食～