杜老誌大飯店 (已結業)

朋友好鐘意食中菜，呢日放左工之後就同佢去左一間好有懷舊風情既中菜廳食晚餐。呢間餐廳好有舊時餐廳既感覺，但佢環境又大又舒服，一家大少黎食飯岩哂！我地點左好幾樣菜，首先係呢樣金巢咕嚕黑豚肉，呢個咕嚕肉酸酸甜甜咁，好開胃，仲有新鮮既菠蘿，正！另外，仲點左椒鹽魷魚鬚，魷魚鬚炸到好香脆，而且好惹味！朋友鐘意食臭豆腐，所以我地點左個街邊臭豆腐，我平時好少食臭豆腐，但都覺得呢個臭豆腐整得唔錯，味道唔會太重，而且口感好綿密！仲有個花甲蒸水蛋，感覺到係好用心去整，啲花甲排得好靚，水蛋又嫩滑。最後，食埋個菠蘿皮焗西米布甸就perfect！