更多
2009-07-19
8 瀏覽
好唔好食又睇落去 289 回: 懷舊風味的日本食店@尖沙咀八王子!http://hk.myblog.yahoo.com/goodboy_philip/article?mid=35676表哥表嫂0岩0岩0係大阪番黎, 約出黎食飯, 去邊樹好呢? 之前經過尖沙咀亞士厘道, 眼見京笹居酒屋唔見左, 不過多左一間 "八王子", 幾次過門不入, 今次試一試! 好唔好食?又睇落去?日本車站或者地區既名, 好多都比香港既食店借左黎用, 陣係八王子, 香港都至少有兩間 lu。店內裝潢以七十年代或以前既日本物品做裝飾, 電影, 玩具, 士多海報等...擺左0係架上既玩具鐵甲人, 我都未見過啊! hahaha...扮後生? 我最多都係識六神合體架咋! wakaka...一切都是懷舊, 卻不是殘舊。收銀處仲有日本士多既 "食玩", 好有趣的!揭開個 menu, 懷舊拼貼見心思! 真係好似身處日本一樣!menu 內頁食物相片夾雜不少日本上一兩代小朋友玩具或裝飾。睇左咁多裝飾, 咁 d 野食又好唔好味先?煎餃子: 味道中規中矩, 餃子皮厚厚的, 肉涵熱汁欠奉。 銀鱈魚西京燒: 基本上只要 menu 有燒銀鱈魚
http://hk.myblog.yahoo.com/goodboy_philip/article?mid=35676
表哥表嫂0岩0岩0係大阪番黎, 約出黎食飯, 去邊樹好呢? 之前經過尖沙咀亞士厘道, 眼見京笹居酒屋唔見左, 不過多左一間 "八王子", 幾次過門不入, 今次試一試! 好唔好食?又睇落去?
日本車站或者地區既名, 好多都比香港既食店借左黎用, 陣係八王子, 香港都至少有兩間 lu。
店內裝潢以七十年代或以前既日本物品做裝飾, 電影, 玩具, 士多海報等...擺左0係架上既玩具鐵甲人, 我都未見過啊! hahaha...扮後生? 我最多都係識六神合體架咋! wakaka...
一切都是懷舊, 卻不是殘舊。
收銀處仲有日本士多既 "食玩", 好有趣的!
揭開個 menu, 懷舊拼貼見心思! 真係好似身處日本一樣!
menu 內頁食物相片夾雜不少日本上一兩代小朋友玩具或裝飾。睇左咁多裝飾, 咁 d 野食又好唔好味先?
煎餃子: 味道中規中矩, 餃子皮厚厚的, 肉涵熱汁欠奉。
銀鱈魚西京燒: 基本上只要 menu 有燒銀鱈魚係一定會 order 既, 呢次我有對手了! 原來表嫂都鐘意食銀鱈魚, 所以嗌左兩客。
銀鱈魚肉質未算嫩滑, 不過仍然係鮮甜可吃!
吉列廣島蠔: 從來唔期望小店可以食到高水準吉列蠔, 炸粉夠哂脆, 輕咬已經碎了! 而內裡既蠔仍然很幼滑無抽乾哂水, 好味!
自家製免治漢堡: 完全失敗...煎燶左唔少, 漢堡扒似鐵餅一樣硬, 想吃肉汁或肥肉的...一定好失望...
加州卷: 唔好睇加州卷"蛋,青瓜同蟹柳" 好似好簡單, 好味既加州卷可以好好味, 銅鑼灣京都既翔太就令我大開眼界 (無出 blog 的), 呢一個加州卷係平平無奇...
炸薯餅: 跟吉列廣島蠔一樣, 炸得唔錯, 不過我對薯餅味道無印象...因為食飯期間掛住傾大阪同東京 d 攪笑野, 好笑...笑完, 咁幾時可以去日本啊?! 嗚哇...
蟹肉炒飯: 蟹肉量多, 飯粒比較乾身, 未飽也不想下去了!
環境: 4 (很有日本懷舊風味, 置身日本小店一樣!)
衛生: 3.5 (懷舊, 卻不是殘舊, 也不會有污漕既感覺。!)
服務: 4 (兩個服務例子很好: 0係門口等兩張枱約十分鐘, 因為隔離後巷有大垃圾桶, 臭氣沖天, 所以我地企開離開左食店另一邊, 不過門口個 staff 無"忘記" 我地請我地入去先, 仲同門口另幾位既客人解釋, 無得失任何客等。第二個例子係表哥漏左電話走左都未知, 好彩位侍應衝出黎比番佢。)
設計: 4 (除左 menu 同環境設計之外, 留意下 d 食物擺位同色彩都令人好有意欲去食架!)
味道: 2.5
價錢: 2.5 (只係食上面既野埋單 $540, 唔算抵食。)
最終評分: 3 好鍾意八王子既裝飾, 氣氛不錯, 加上今次未試過佢地既招牌菜, 所以下次都會再去試多一次既!
日本料理,八王子, 居酒屋, 尖沙咀, 好孩子, 日本
張貼
