會長之家烤肉

營業中

休息中

📍呢間韓式烤肉店價錢比較親民，仲用咗以前韓國70年代嘅裝修風格。每碟肉仲會有店員過嚟幫手代燒，依家加$100仲可以任食燒鰻魚！叫4件韓式燒鰻魚($148)試吓先，店員會拎埋個timer過嚟計好晒每邊要燒幾多分鐘，之後再剪埋俾我哋食，鰻魚嘅口感爽口肥美，同都幾好新鮮。新出嘅牛油熟成鴨胸($88)燒到外皮香脆，而且鴨肉味都幾重。M6澳洲和牛小柳($78)同美國特級三肌肉($108)兩款肉燒完都多汁，配埋辣椒食就更加惹味，推介要嗌和牛小柳，牛肉味更加濃郁。燒肉可以叫埋個水冷麵($68)解吓膩，加埋水晶梨條同埋青瓜絲食落冰涼又清爽啲。