十六座車仔麵 (已結業)

香港有好多地道文化既美食，而車仔麵就係香港經典既平民美食啦，通常係係d街頭巷尾，而佢既特式係可以比d食客自己揀麵底、湯汁同埋配料既。今晚我行過旺角先達附近，就見到呢間裝修懷舊有趣既車仔麵鋪。佢係係旺角通菜街，百老匯附近先達側門既對面。佢入面既裝修係以舊式公共屋邨做主題，無論係擺設，海報等等都有老香港既味道。佢除左地面呢層，仲有樓上雅座tim架。Menu呢度除左有成30幾款車仔餸比你揀之外，仲有d好特別既麵底，好似係紅菜頭麵，菠菜麵，芙蓉麵等等...呢度有樣野好值得一讚既係，佢地唔用用完即棄既點餐紙，而係用可以循環再用嘅點餐牌菜肉燕餃，金沙青，米糖鹵雞翼，芝心丸配紅菜頭麵 $54呢碗車仔麵份量足，金沙青係金沙骨既最表層，望落好似普通豬肉咁，不過食落好爽滑清甜。米糖鹵雞翼鹵得好入味，雞皮仲有dd蜜糖甜味tim。芝士丸就好似平時食開個d，咬開會爆芝士槳既。而個菜肉燕餃就的的式式，入面都包滿餡料，味道唔錯。至於個紅菜頭麵底，望落就有dd紅色，不過食落就冇咩特別味道，可能比一般油麵粗麵健康d既。成個車仔麵配埋個秘制辣汁，就更加滋味