沙嗲牛肉西多士：
西多士既牛油夠晒邪惡，炸到金黃酥脆，口感外脆內軟，切開西多士，入面既沙爹牛肉瀑醬而出，好欣賞呢種甜鹹味覺既創新組合。
麻麻地豬扒酸辣米線：
湯底微辣，酸辣度適中，有肉碎同葱花帶出鮮味；豬扒分開上，甘樣就可以保持豬扒既鬆脆口感。
生炸雞脾：
炸到金黃色，外脆內軟，好正。
滑蛋牛肉飯：
沙嗲牛肉足料，食落甜中帶輕微辣；滑蛋炒到半熟，滑溜帶蛋香，配埋香濃沙嗲香味，牛肉軟嫩可口。
滑蛋叉燒飯：
香滑既蛋香配上叉燒既煙燻香氣，叉燒肥瘦均勻，再加埋豉油調味，簡直係完美嘅配合。
紅豆𣲙：
港式經典紅豆冰，好多紅豆，入口即化。
龍鳳檸檬可樂：
飲落好清爽，雙重檸檬口感，酸酸甜甜，好fresh。
熱檸茶：
茶香同檸檬既酸甜味好夾，好清新。
