順景茶餐廳 (已結業)

今日終於股起勇氣入依間茶餐廳，事關成日經過也見裡面有九成九係男人，而且舖面好懷舊，在出面要靠近先睇到裡面有冇位，推開門，裡面果然係舊式茶餐廳的格局，伙記也是上了年紀，相信應該開了好一段時間，叫了個午餐-蒜蓉雞扒意粉，配羅宋湯，先上湯，好大碗，熱辣辣，大大舊紅蘿蔔，少少杰身，但味道不會過濃，幾好味，雞扒已幫客人切好一舊舊，意粉係預先用茄汁炒過的意粉，幾有誠意，蒜蓉味道調校得不錯，甜甜哋，幾好味，D汁份量剛好，不會過多，但服務方面感覺到佢地好急，可能午市關係，一坐就想幫客人落單，見有D客排緊隊已被問定食咩，上餐又快，見客人食完也有主動講，食完就交一交枱，出面有人等，收餐也快，不過也明，係人都想做多啲生意🙈整體來講幾好，會再幫襯😃