金記冰室 (霎東街) (已結業)

既懷舊又華麗既裝修吸引咗我入去，步入餐廳之後，更有一個香港電車佈景，外加唔同懷舊電影嘅海報，令人深深感受到老香港嘅情懷。主食：霸王雞新鮮、嫩滑又多汁既雞肉，面頭覆蓋香蔥。令人回想起細個喺茶樓同爸爸媽媽嘅時光，食晒成碟，做返一個小霸皇。主食：美式雜扒鐵板餐大份、豐盛又多肉既主食，淋上熱辣辣嘅黑椒汁，體驗到細個嘅時候同父母扭計要食鐵板餐。主食：鮮茄焗豬扒飯厚切豬扒，炒底飯，鮮甜蕃茄醬融為一體，好食過大哥焗豬！懷舊飲品：白雪公主雲呢拿雪糕球，配上冰底雪碧，好味道！懷舊飲品：雜果賓治好少茶餐廳在可以飲到，適合來懷緬一番。