泰玖 (已結業)

呢間泰國菜樓高兩層，底層系吧枱。上層空間感幾較大，有好多座位。餐廳風格有懷舊泰國風味道。▶️泰式炸蝦餅$36一份有四小件，新鮮炸起金黃色，配有泰式辣醬。▶️泰玖金磚蒜蓉包$42一份有四件，麵包厚身，焗得香脆，充滿牛油味。啱哂鐘意食牛油嘅牛油控。▶️泰式菠蘿炒飯$118菠蘿炒飯，用菠蘿裝住炒飯，粒粒充滿黃姜粉，非常濕潤。配料有青口、魷魚、蝦、提子乾、菠蘿、肉鬆、青豆、腰果等等。▶️蒜香炒泰國椰菜苗 $82鐘意可以揀少油。菜大大碟，面上有好多炸蒜。▶️飲品叫咗新鮮椰青及青檸梳打。另外餐廳飲品做緊買一送一，抵!