影片
更多
2016-02-06
331 瀏覽
**利申︰本文唔太算食評, 而係關於服務態度**難得今日放假, 同屋企人一齊去左上海婆婆到食嘢.唔知係唔係接近落場時間, 我倆3點左右先入去, 唔洗等位非常方便啦.↑ 第一個印象幾好呀坐左係卡位5分鐘左右, 我倆準備叫嘢食, 但係叫極「唔該, 寫野」都無人理.各位服務員都係到好專心咁企埋一齊傾緊計.OK 其實等一陣我真係唔太介意, 咁我等你地傾埋少少重要既「公事」先.等多一陣, 終於邀請左個服務員(A姨姨)黎落order啦.好啦, 我講晒要落嘅嘢食啦, A姨姨無啦啦寫完落單紙之後拍左一下枱(我估佢應該係挨住牆企寫嘢, 拍枱借力企返起身)我倆呆咗, 望住個A姨姨若無其事咁行走左.咁都算啦, 再精彩嘅事陸續有嚟.終於有嘢食到啦, B姨姨上菜時求求其其SIR左碟小籠包上枱.由於佢嘅內功深厚, 修練多年, 所以籠小籠包無SIR到出界.嗯, 我諗佢都係想表演比食客們睇佢訓練有素, 咁我就算啦我倆食食下嘢, 後面枱卡位嘅一家三口正準備離開之時(喺張枱範圍之內),爸爸同個仔仔企左起身, 喺張枱隔離等埋媽媽著埋衫起身行,幫我落order果個A姨姨就衝左去張枱, 坐埋係爸爸同仔仔個位到「開始執嘢」啦.A
難得今日放假, 同屋企人一齊去左上海婆婆到食嘢.
唔知係唔係接近落場時間, 我倆3點左右先入去, 唔洗等位非常方便啦.
↑ 第一個印象幾好呀
坐左係卡位5分鐘左右, 我倆準備叫嘢食, 但係叫極「唔該, 寫野」都無人理.
各位服務員都係到好專心咁企埋一齊傾緊計.
OK 其實等一陣我真係唔太介意, 咁我等你地傾埋少少重要既「公事」先.
等多一陣, 終於邀請左個服務員(A姨姨)黎落order啦.
好啦, 我講晒要落嘅嘢食啦, A姨姨無啦啦寫完落單紙之後拍左一下枱
(我估佢應該係挨住牆企寫嘢, 拍枱借力企返起身)
我倆呆咗, 望住個A姨姨若無其事咁行走左.
咁都算啦, 再精彩嘅事陸續有嚟.
終於有嘢食到啦, B姨姨上菜時求求其其SIR左碟小籠包上枱.
由於佢嘅內功深厚, 修練多年, 所以籠小籠包無SIR到出界.
嗯, 我諗佢都係想表演比食客們睇佢訓練有素, 咁我就算啦
我倆食食下嘢, 後面枱卡位嘅一家三口正準備離開之時(喺張枱範圍之內),
爸爸同個仔仔企左起身, 喺張枱隔離等埋媽媽著埋衫起身行,
幫我落order果個A姨姨就衝左去張枱, 坐埋係爸爸同仔仔個位到「開始執嘢」啦.
A姨姨沉醉於自己嘅工作世界, 無視企左喺身嘅爸爸同坐喺到著緊衫嘅媽媽怒視,
A姨姨辛勤而若無其事嘅工作表現, 確實值得學習!
好啦, 3點9左右, 我倆都食到差唔多, 服務員都嚟問我地要唔要加單, 要cut order啦.
我地啱啱比埋錢, 坐左喺到飲埋最後嗰杯茶之時, A姨姨又衝咗過嚟啦~
我飲緊茶, A姨姨成個收碟盤擺咗喺我張枱到,
「啲嘢你哋喺咪唔要架???」(重覆左兩次, 我飲緊水答唔到, 我屋企人啤緊佢, A姨姨都係無視自己被啤中)
我吞咗啖水, 算有禮貌咁回覆咗佢一句「請問可唔可以等多一陣呢?!」
哇, 好感動啊, 我終於解破咗佢「若無其事」嘅絕招, 令佢知難而退啦
其實...我明白我倆3點幾入去, 可能會影響佢哋落場時間.
佢哋都想盡量喺落場前收拾好個場, 盡返佢哋嘅工作職責.
但, 係咪應該有返少許禮貌, 尊重客人呢?!
我唔要求啲咩好好好好嘅服務態度,
但無啦啦拍枱, SIR碟食物, 客未走就坐低喺人哋張枱到執嘢...
難道呢啲算係尊重別人?!
今次嘅用餐過程真係好失望, 我同屋企人都唔會再去呢間上海婆婆到食飯...
唔知係唔係要配合「懷舊」嘅室內設計主題, 所以啲服務員都用返「舊式」嘅待客態度工作.
如果大家想感受下呢種「懷舊式服務態度」的話, 我強烈建議大家去用餐
張貼