津屋爐端燒 (已結業)

近排成日去九龍城搵食, 開頭食泰菜多, 依排開始發掘下其他野食, 今次就試左間日本菜。依間餐廳都算幾大, 環境裝修好似日本舊式餐廳, 勝在夠寬敞, 座位間都分得幾開, 唔會迫狹。MENU入面好多選擇, 有D花多眼亂, 最後揀左兩個主食。蔥吞拿魚腩三色魚生DON $168係好厚切既三文魚同油甘魚, 新鮮肥美! 再加上粉嫩既吞拿魚蓉, 吞拿魚蓉份量足以拌到每一啖飯, 滿足!熊本蠔鍋 $138賣相吸引, 因為主角熊本蠔足足有5-6隻, 而且經煮熟後縮左水都仲好大隻肥美, 湯底係麵豉湯底, 但因為鍋裡面加入左好多娃娃菜同菇類, 湯底多左陣蠔鮮味之餘仲有清甜味, GOOD! 加28蚊可以轉套餐有白飯同麵豉湯, 麵豉湯較為特別, 加左碎粒既金菇係入面, 飲既時間多種口感。