羅麥記 (V City) (已結業)

由商場一開以黎，已經有不少報章雜誌介紹爭先報道羅麥記主要都係介紹佢地懷舊既佈置同特色食品～今次係第2次食～第一次試咗炒蛋多士同紅豆奶茶做下午茶～味道不錯，但無相像中既特別～今次晚飯時間去，比較多人，需要等位～叫咗好可愛既麵包焗飯，蝦多士，洋蔥圈同波羅冰～佢地既炸野都比較油，炸得唔太好洋蔥圈炸漿比較厚，食落似食脆皮多過食洋蔥圈蝦多士法包上釀有蝦膠然後炸實在太多油. . 一食入口已經感覺到法包吸滿油蝦膠不算多，所以無乜彈牙既感覺麵包焗飯份量足夠，賣相不錯，大大個，又夠特別不過麵包皮烘得唔夠脆，所以食完啲飯試咗少少包就算，比較浪費食物質素一般，主要以環境特色取勝