阿肥火鍋 (已結業)

尖沙咀打邊爐，同朋友經過見到呢間幾得意，一於試下！佢用八十年代嘅設計，一落樓梯就感受倒，仲播埋歌，落樓梯嘅時候，仔細睇下，佢某幾行樓梯，係利用麻雀而組成嘅。入到去打開門，八十年代風味盡現。無論係大至打卡位，細小知道用餐嘅碗筷子，都係精心打造，八十年世界盡現眼前。前菜個木耳汁就真係好特別，好似人地果啲皮蛋嘅醬汁，食落去幾惹味。湯底用料好吸引，我地叫左個豬肚雞湯底，味道好似平時煲嘅湯咁，可以當湯飲，我地就真係一羹羹咁飲，好暖胃，女仔飲就最滋補😎火鍋用料亦係有質素嘅，尤其係海鮮方面，佢有養殖嘅較為完善措施，喺食飯當日海鮮非常生猛。見倒都想叫黎食，隔離枱果盤十分搶眼，但因為我地怕浪費食物，所以無叫。牛肉嘅脂肪分布好平均，佢嘅切法都唔會太薄厚度適中，食落好有口感之餘仲帶少少牛肉加牛嘅油香味。煎釀三寶更加正，佢係用蝦膠黎釀制嘅。好好味😋😋😋，一定唔係cheap 野。鮮淮山更加係新鮮，加上吸晒啲湯嘅精華，真係無得頂，夠粉，又入味，淮山又健康。啤酒夠懷舊，用碗飲，以為自己回到過去。