影片
更多
2023-01-23
537 瀏覽
🌃 食肆為多國菜酒吧， 位於深水埗汝州街75號地舖， 鄰近於太子港鐵站D出口， 步行約5分鐘即可到達。.🌃 餐廳設計走懷舊工業風路線，重拾老一輩嘅經典回憶， 進入餐廳嘅一刻，由懷舊開放式吧檯展開序幕， 可以飲各款雞尾酒、手工啤酒、紅白酒。 .🌃 之後可以開始到感受餐廳嘅四邊周圍，舊式磚牆、經典黑膠唱片及封套 、復古懷舊車牌、藝術壁畫， 仲有一路播放懷舊經典金曲，感受着濃厚嘅復古情懷。.🌃 小編當晚叫了二人套餐， 包括了 前菜、餐湯、主菜、意大利粉/飯、甜品、飲品，平日只需$528/2位，另加一。.🥗 凱撒沙律👉 配料十分豐富，香脆嘅蒜蓉麵包粒、煙肉碎，重點係落咗唔少香濃嘅 芝士碎片，加上凱撒沙律醬， 同埋爽脆嘅蔬菜，令到味道十分鹹香。.🍜 廚師精選濃湯👉 是日精選濃湯係雜菜濃湯，廚師將不同種類嘅蔬菜攪碎而成的濃湯，非常足料，飲落好有質感，酸酸甜甜幾好味。.🐟香煎比目魚配日式燒汁👉 比目魚十分厚切， 表面煎得幾香脆，内裏仍然保留滑嫩嘅口感， 仲慢慢滲出魚油脂香，烹調處理手法不錯， 而重點係加上甜度十足嘅日式燒汁， 提升了比目魚嘅鮮甜味， 另外配菜加埋照燒汁都好好食😍.🍝 卡邦尼意粉👉卡邦
.
🌃 餐廳設計走懷舊工業風路線，重拾老一輩嘅經典回憶， 進入餐廳嘅一刻，由懷舊開放式吧檯展開序幕， 可以飲各款雞尾酒、手工啤酒、紅白酒。
.
🌃 之後可以開始到感受餐廳嘅四邊周圍，舊式磚牆、經典黑膠唱片及封套 、復古懷舊車牌、藝術壁畫， 仲有一路播放懷舊經典金曲，感受着濃厚嘅復古情懷。
.
🌃 小編當晚叫了二人套餐， 包括了 前菜、餐湯、主菜、意大利粉/飯、甜品、飲品，平日只需$528/2位，另加一。
.
🥗 凱撒沙律
👉 配料十分豐富，香脆嘅蒜蓉麵包粒、煙肉碎，重點係落咗唔少香濃嘅 芝士碎片，加上凱撒沙律醬， 同埋爽脆嘅蔬菜，令到味道十分鹹香。
.
🍜 廚師精選濃湯
👉 是日精選濃湯係雜菜濃湯，廚師將不同種類嘅蔬菜攪碎而成的濃湯，非常足料，飲落好有質感，酸酸甜甜幾好味。
.
🐟香煎比目魚配日式燒汁
👉 比目魚十分厚切， 表面煎得幾香脆，内裏仍然保留滑嫩嘅口感， 仲慢慢滲出魚油脂香，烹調處理手法不錯， 而重點係加上甜度十足嘅日式燒汁， 提升了比目魚嘅鮮甜味， 另外配菜加埋照燒汁都好好食😍
.
🍝 卡邦尼意粉
👉卡邦尼意粉幾有驚喜， 芝士奶香味濃郁，另外感覺加了不少蛋黃汁，醬汁偏黃，煙肉碎幾香口，充滿鹹香味， 意粉食落幾彈牙。
.
🍰 朱古力慕斯伴曲奇碎雪糕
👉 朱古力慕斯食落幾creamy， 甜度恰到好處， 加上曲奇碎雪糕及旁邊有士多啤梨碎作點綴，為呢一餐作個完美嘅作結。
.
🍸 紅莓汁
👉 飲落味道酸酸甜甜，帶出紅莓味，幾開胃嘅飲品。
.
.
📍 桂月 @gwai3.jyut6
深水埗汝州街75號地舖
=====================
.
*此價格只供參考及以當時為準，實際價格或會與本文章有所差異。
-
張貼
