影片
更多
2018-10-29
78 瀏覽
九龍城一向都係泰國菜式既聖地，但係今次女朋友帶我去一間餐廳就完全唔係泰式，係港式邊爐。不論餐具裝潢由外到內都好似時光倒流，番到去七，八十年代左右，再加上霓虹燈既裝潢，令人一飽眼福。懷舊味十足！入到店內，朋友已經一早到步，就算我地後到，侍應姐姐都冇怠慢我地，不厭其煩咁重新解釋一次餐牌既野食，好等我地接收係第一手資料！侍應姐姐推介我地試一個名為”招牌花甲蟹海鮮鍋”泰式湯底黎，上菜個下已經聞到超香既冬蔭公味道。放到係個爐上面已經見到成隻蟹蓋係湯上面浸浴緊～細心一撈，發現入面唔止咁少野，仲有燒肉，蟹既其他部位，大大隻花甲，仲有新鮮既蕃茄！味道方面；酸甜帶點辣，格外開胃。蟹肉唔太實，新鮮！燒肉係呢類既湯浸住食，鹹中帶酸，唔怕油膩！四寶丸 分別係墨魚，蝦，鯪魚，豬肉。典型既配搭，值得一讚係擺設，精緻得黎又具細心，丸類用一個大碗公放好，再分開一粒粒放，整齊又好睇。味道方面，個人最喜歡蝦丸，夠彈牙同埋就算煮耐左少少最多都係實肉左少少。即炸響鈴 呢個真心推介比大家，大家真係要一試。想食下新唔新鮮既食材，有即炸我都會點，一來可以睇下廚房既功力，二來可以睇下用油是否乾淨～結果大家睇圖就知道！響鈴色澤淡黃色，
入到店內，朋友已經一早到步，就算我地後到，侍應姐姐都冇怠慢我地，不厭其煩咁重新解釋一次餐牌既野食，好等我地接收係第一手資料！侍應姐姐推介我地試一個名為”招牌花甲蟹海鮮鍋”泰式湯底黎，上菜個下已經聞到超香既冬蔭公味道。放到係個爐上面已經見到成隻蟹蓋係湯上面浸浴緊～細心一撈，發現入面唔止咁少野，仲有燒肉，蟹既其他部位，大大隻花甲，仲有新鮮既蕃茄！味道方面；酸甜帶點辣，格外開胃。蟹肉唔太實，新鮮！燒肉係呢類既湯浸住食，鹹中帶酸，唔怕油膩！
四寶丸 分別係墨魚，蝦，鯪魚，豬肉。典型既配搭，值得一讚係擺設，精緻得黎又具細心，丸類用一個大碗公放好，再分開一粒粒放，整齊又好睇。味道方面，個人最喜歡蝦丸，夠彈牙同埋就算煮耐左少少最多都係實肉左少少。
即炸響鈴 呢個真心推介比大家，大家真係要一試。想食下新唔新鮮既食材，有即炸我都會點，一來可以睇下廚房既功力，二來可以睇下用油是否乾淨～結果大家睇圖就知道！響鈴色澤淡黃色，聞到好香腐皮味。三來，就算炸完都冇多餘既油份係響鈴上面，唔會變吸油卷，四來可以一菜兩食；味道個人覺得就咁食比較好，加上附上既酸甜汁好醒胃，其次人地咁好心機炸到咁靚，整番淋就浪費人地一番心機。大家食既時候要小心，因為即炸，所以會好辣口！
百葉豆腐 好多人都搞亂百葉同冰豆腐。係豆腐家族入面佢係板豆腐既結晶品，分別在冰豆腐佢係冇經過加壓，百葉有加壓成形，會見到好清楚絲狀，個人喜歡用百葉豆腐下鍋，因為愈煮愈入味，加上同冰豆腐最大特點，冰豆腐煮太耐會爛，而百葉豆腐煮耐都唔怕散開，大家可以一試。
老友鬼鬼 其實係油炸鬼加墨魚滑，兩層感受，可以食到新鮮油炸鬼既脆口感，其次可以食到墨魚既彈牙感，呢樣都係創新菜式，下火鍋都可以，可見廚房為求吸引食客都有下一定苦工。個人都係中意當小食咁食，加酸甜汁味道更佳。
燒鰻魚 唔好以為燒鰻魚一定係日式餐廳既專利，其實呢間本地薑都同樣出色，肉質結實，但無骨，加上有少少芥辣。好開胃，其次唔會太甜，味道層面更加豐富，可見食店唔止火鍋出色，燒物都想當一流
糖不甩 呢度既糖不甩煮法可以用別樹一格黎形容，因為佢係用番打邊爐既湯去煮熱，大家冇睇錯，我都相信大家都同我當初一樣，甜品當然下甜湯煮，點會用鹹湯呢～但事實就係咁神奇，就算用鹹湯，味道一樣咁好食，原來係用鹹湯煮熱，煮軟身後再加花生碎同埋糖食，味道方面，軟熟唔黏牙；外加唔太甜，多食幾舊冇問題！
整體而言，菜式創新，裝潢懷舊，味道出色，服務周到，呢十二隻字同撈同煲受得起，大家不妨一試，絕對唔會令大家失望！
張貼
