文樂園 (已結業)

中午係旺角辦妥工作後，一個人唔知食什麼之際，見到呢間#文樂園，好耐冇食過點心，一於買番啲食下先得。 花膠灌湯餃，若飲茶一定會叫黎食，但又唔係間間茶樓都有得叫，呢度嘅餡料都正宗，用以花膠、蝦粒同蟹柳等等而制成，個湯都幾清甜。 七色燒賣只買$48都幾抵，啱晒我樣樣味道都想食嘅人，分別是原味的蟹子﹑菠菜﹑粟米﹑ 芥辣﹑芫茜、黑松露同麻辣。粒粒都各有特色，個人喜愛黑松露同麻辣多點。 金蒜蒸排骨，新鮮蒸出來熱辣辣好味，排骨肥瘦適中。黃金香芋酥，又係好耐都冇食嘅點心，芋泥香咬落酥脆。