永年士多 (香港逸東酒店)

營業中

休息中

今次去咗佐敦逸東酒店嘅永年士多，呢間分店一入門就感受到濃濃懷舊氣息🪧，六七十年代味道滿滿，牆上掛住舊香港霓虹燈招牌、車仔檔木牌，枱櫈都係復古設計，連餐具都帶返啲六七十年代茶記味道🪑🪧。但同時又好有現代感，空間新淨光猛✨，比起一般街邊車仔麵，呢度環境更乾淨企理。仲用QR code📱，懷舊同時又跟得上時代步伐。車仔麵最緊要配料乾淨新鮮。永年嘅清湯底用料足，入口清香自然，唔會過鹹或油膩，湯底唔會搶味，可以突出配料本身嘅鮮味。第一碗油麵配豬腸、豬紅、蘿蔔、雞翼🍜。豬腸乾淨無異味，入口彈牙爽滑🐷，豬紅細膩帶微甜，蘿蔔煮得透徹，清甜無渣🥕，雞翼大隻入味，肉質軟腍🍗。第二碗同樣選油麵，加咗牛柏葉、墨魚蝦卷🐮🦑🦐。牛柏葉爽脆有咬口，墨魚蝦卷彈牙鮮香，配油麵啱晒，全部餸都吸到湯底鮮味，層次豐富。酸齋酸香平衡，唔會太酸，食落清新開胃啱啱好🥬。飲品點咗紅豆冰同抹茶紅豆冰🧋，兩款都唔太甜，紅豆綿密，抹茶有淡淡茶香🍵，飲落層次分明。整體嚟講，永年士多車仔麵配料選擇多，份量合理，食完都飽肚。味道有水準，懷舊中帶新意，整體體驗唔錯，值得再嚟回味😉。