翠華冰廳 (已結業)

荃灣廣場開咗間大大間嘅翠華冰廳，食物款式有好多，餐牌上嘅排板加咗啲hashtag,有新意，最後我揀咗份鐵板套餐～～菜式名係‘架勢堂豬扒板上燒’，食個豬扒飯都用鐵板上，夠晒架勢，燒汁另上，將燒汁淋上熱辣辣嘅鐵板，渣渣聲～～豬扒兩邊煎得金黃，鎖住肉汁，厚切啖啖肉，正！跟餐嘅羅宋湯好足料，酸甜味道調得幾好！奶油豬仔包又香又脆～見到有個冬日熱飲嘅餐牌，套餐飲品轉配差唔多半價就得，都有啲興趣～所以揀咗杯清熱潤肺嘅雪耳雪梨茶，飲完好滋潤，甜度剛好！