金記冰室 (霎東街) (已結業)

今日下午同同事黎左食lunch, 真係唔係講笑! 銅鑼灣食個lunch真係要睇下你好唔好彩, 唔好彩真係足足等成半個鐘都有份! 👫👫👫👫金記冰室算係一間老字號, 銅鑼灣呢間分店唔係開左好耐, 不過次次都見到好多人今日同同事一放lunch就衝過黎, 為既只係食一個lunch😂😂😂入面既裝修幾特別, 中間有個以叮叮車做主題既位, 增添左香港既地道氣氛!餐牌係用乒乓球板做成, 呢個係佢地既特色之作! 好令人懷念兒時打乒乓球既日子!😢咖哩雞排撈公仔麵🐓🐓🐓睇顏色以為佢唔濃味, 其實唔係啊! 咖哩味好香而且食入口唔係好辣, 雞排食落都幾細嫩, 不過咖喱味既關係所以食唔好太大雞味, 咖哩汁都足夠撈到成個公仔麵但就唔算係太多汁, 呢個撈麵整體都唔錯!雞脾意粉因為係隻雞脾關係, 食起上黎就有dd麻煩喇!雞脾幾厚肉而且事前有烤製過, 食落有味之餘口感比較實肉, 而且唔會煮得太過over, 都幾好!另外仲有條廚師腸仔同洋蔥配料, 意粉都ok唔算太大驚喜之作。價錢屬中價, Lunch都算係一個唔算既選擇!😋😋😋