影片
更多
2020-03-20
93 瀏覽
近年來香港忽然開咗好多冰室，有唔同主題，有懷舊嘅，有新穎嘅，百花齊放。今日就去咗葵興一個新興商場嘅王牌冰室食飯。 我同友人都十分肚餓，而且見到餐牌上嘅食物十分吸引，所以各自點咗一份午餐同下午茶餐。午餐滋補藥膳牛腩配白飯$64（小飯版）嗰湯十分好飲，味道比較淡身，感覺幾健康， 蘿蔔煮得好林好入味，牛腩嘅脂肪同肉比例均勻，入口鬆軟。另外點咗個王牌叉燒特濃牛乳炒滑蛋飯$58（小飯版）入口滿滿嘅蔥香味， 叉燒切得比較薄身 ，但係冇阻整體味道， 加埋豉油汁撈飯食都幾好食。接下來我十分十分推介嘅就係王牌西多（流心芝士西）$36。 誇張啲講係我食過最好味嘅西多士，一上枱已經畀佢金黃色吸引住眼球， 一刀切落去，軟淋淋嘅感覺係其他茶餐廳嘅西多士完全做唔到呢個效果， 再望一望，見到佢層次分明，口感好似梳乎厘咁，好surprise。 芝士帶少少鹹味 ，但係點煉奶同糖漿食，味道完全沒有衝突，感覺很新鮮。另外仲叫咗一份瑞士雞全翼（兩雙）$40配奄列雞翼煮度到好林， 用刀叉已經可以拆開啲骨， 一啖食曬成隻雞翼，啖啖肉好滋味。 令我驚喜嘅係個火奄， 喺圖度見到奄列大到鋪滿曬成個碟 。最怕奄列煮到熟曬，一啲蛋汁都冇，
今日就去咗葵興一個新興商場嘅王牌冰室食飯。
我同友人都十分肚餓，而且見到餐牌上嘅食物十分吸引，所以各自點咗一份午餐同下午茶餐。午餐
滋補藥膳牛腩配白飯$64
（小飯版）
嗰湯十分好飲，味道比較淡身，感覺幾健康， 蘿蔔煮得好林好入味，牛腩嘅脂肪同肉比例均勻，入口鬆軟。
另外點咗個王牌叉燒特濃牛乳炒滑蛋飯$58
（小飯版）
入口滿滿嘅蔥香味， 叉燒切得比較薄身 ，但係冇阻整體味道， 加埋豉油汁撈飯食都幾好食。
接下來我十分十分推介嘅就係
王牌西多（流心芝士西）$36。
誇張啲講係我食過最好味嘅西多士，一上枱已經畀佢金黃色吸引住眼球， 一刀切落去，軟淋淋嘅感覺係其他茶餐廳嘅西多士完全做唔到呢個效果， 再望一望，見到佢層次分明，口感好似梳乎厘咁，好surprise。 芝士帶少少鹹味 ，但係點煉奶同糖漿食，味道完全沒有衝突，感覺很新鮮。
另外仲叫咗一份
瑞士雞全翼（兩雙）$40配奄列
雞翼煮度到好林， 用刀叉已經可以拆開啲骨， 一啖食曬成隻雞翼，啖啖肉好滋味。 令我驚喜嘅係個火奄， 喺圖度見到奄列大到鋪滿曬成個碟 。最怕奄列煮到熟曬，一啲蛋汁都冇， 呢個就完全冇咁嘅情況，熟得啱啱好，一讚。
整體來說冰室價錢相宜，食物質素頗高，選擇也幾多，可以再去帮襯。
PS: 喺抗疫嘅非常時期於餐廳惠顧送漂白水一瓶。甘就證明到佢地好注重衛生， 已且仲講明已經轉用泰國雞旦，食都食得安心又放心。
張貼
