靚靚笑顏食堂

#小秘書 對大埔區人生路不熟，不過一場嚟到，無理由唔行吓先出市區👀 所以我哋只好求其搵間餐廳，食少少嘢先🍜再行。因為從未幫襯過 靚靚笑顏食堂，所以只可以睇餐牌上面啲食物相去選擇（以貌取人/食物，通常都賴嘢👉🏻👈🏻）原先睇到餐牌上有菜骨粥，我諗住清清地要一碗... 好可惜店員話🤦🏻‍♀️粥品只喺早餐時間供應。

#小秘書 呢排唔係咁舒服，唔想食個碟頭飯咁heavy... 別無他選，唯有叫個車仔麵🍜 眨吓眼碗麵已經上枱（明明我朋友早落單過我七八分鐘）👀 食咗兩啖... 心諗「老闆嘅攝影技術認真一流」🤣🤣

我揀嘅 #懷舊五餸車仔麵，入面有「豬紅、豬皮、豬腸、甜酸齋、白蘿蔔、銀牙、芫荽、豆卜」
唔講都真係以為材料豐富到 #有可能 ‘食唔哂’😆 好在嚟到樣樣都少少少少咁，就當試吓新口味囉🤣🤣

成碗麵我反而對個麵底最有印象，餐牌上注名用嘅係竹昇麵，咁究竟師傅喺邊度做竹昇麵嘅呢？🤣 又坦白講... 個竹昇麵真係幾有蛋味嘅，而且無咗我至怕嘅鹼水味👍🏻 麵餐仲有杯熱飲跟埋，雖然整體嚟講口味麻麻地，不過可以以街坊價填飽個肚，算係咁啦😁