金記冰室 (置富南區廣場) (已結業)

門外的裝修好特別, 好似一座大船咁。老實講我好少咁早爬起身食早餐, 既然朋友話有好介紹咁就去試試啦。炒蛋周街都有, 不過要炒得香滑有蛋味就唔係個個得。##########豬潤通粉 : 多薑絲,可以辟左豬潤特別既味,而且薑絲切到好幼更加出味,  塊豬潤好厚, 又唔會好生。湯底唔會食到成口好咸, 岩岩好夠味好彩有朋友同我SHARE食份多士, 大大件, 面仲有少少脆身。裡面夾左香滑花生醬從來未聽過咩叫牛肉汁........好似苦茶咁既樣, 不過飲落係牛肉既味, 少少咸咸地, 幾特別喎。蛋白杏仁茶 : 好濃杏仁味, 比平時的杏仁霜仲要滑好多, 唔錯架, 值得一試。