影片
更多
2016-10-26
3638 瀏覽
近幾年韓風當道，多咗好多間韓式燒烤嘅餐廳，但係大部份都係有噱頭韓式燒烤店，而且都係單點為主，有時都幾掛住以前嘅韓國燒烤自助餐，感覺已經開始沒落，但係今次就比我搵到一間完全係以前食韓式燒烤嘅模式計人頭費嘅小店，而且仲係喺旺角，位置相當方便。嗰日推到西洋菜街，喺百老匯隔離就會見到金甲位於嘅大廈，而且下面仲見到佢好大嘅廣告牌，好容易搵，而且d𨋢好快，唔駛等好耐就可以搭上想去啦。一想到去就感覺到強勁嘅冷氣同埋好濃烈嘅燒烤味道，全場大部份都係卡位，我哋去咗個死人台之後，就急不及待咁出去拎嘢食啦。以前嘅韓式燒烤係唔會有錢財區嘅，但係而家韓風當道，可能呢啲韓式自助餐都要轉型，呢度見到有加左一個前菜區，而且都有成十幾款前菜可以揀，除咗一啲大路嘅泡菜，芽菜，蘿蔔，仲繼續保持韓式自助餐會見到嘅日式小食，有中華沙律，青瓜，粟米，鹹魚仔等等，選擇豐富，而且呢啲天才食物都好新鮮，唔係擺好耐果d，之外仲有生菜蒜頭可以俾你夾住啲肉食，完全係仿效韓式嘅食法。雞腎好好食，有咬口又夠味，唔會死鹹仲會d酸味，好開胃。辣芽菜同拍青瓜同樣夠惹味，辣辣地令胃口大增，食油膩韓燒之前叫醒左味蕾先。行多兩步見到甜品區，甜品嘅款式唔算好
嗰日推到西洋菜街，喺百老匯隔離就會見到金甲位於嘅大廈，而且下面仲見到佢好大嘅廣告牌，好容易搵，而且d𨋢好快，唔駛等好耐就可以搭上想去啦。
一想到去就感覺到強勁嘅冷氣同埋好濃烈嘅燒烤味道，全場大部份都係卡位，我哋去咗個死人台之後，就急不及待咁出去拎嘢食啦。
以前嘅韓式燒烤係唔會有錢財區嘅，但係而家韓風當道，可能呢啲韓式自助餐都要轉型，呢度見到有加左一個前菜區，而且都有成十幾款前菜可以揀，除咗一啲大路嘅泡菜，芽菜，蘿蔔，仲繼續保持韓式自助餐會見到嘅日式小食，有中華沙律，青瓜，粟米，鹹魚仔等等，選擇豐富，而且呢啲天才食物都好新鮮，唔係擺好耐果d，之外仲有生菜蒜頭可以俾你夾住啲肉食，完全係仿效韓式嘅食法。
雞腎好好食，有咬口又夠味，唔會死鹹仲會d酸味，好開胃。辣芽菜同拍青瓜同樣夠惹味，辣辣地令胃口大增，食油膩韓燒之前叫醒左味蕾先。
行多兩步見到甜品區，甜品嘅款式唔算好多，都係以布甸啫喱為主，但係味道就有好多揀，有好多唔同眼色睇想睇好靚。
再行嗰啲就會見到燒嘢食嘅食材，就係呢種感覺啦，舊式嘅韓式燒烤出道你會見到食材排列得井井有條，上面仲有注釋話俾你聽你食緊啲乜嘢，選擇好多，值得提既係有韓國護心肉，通常出面既韓燒賣得好貴，呢度有得任食！
豆漿比較稀，唔算甜，個人覺得五花茶好飲d，感覺又清熱d，同韓燒好夾。
仲有好多唔同種類既熟食，最中意係海鮮煎餅同泡菜煎餅，雖然放得耐凍左d，但我地放係爐度整返熱佢，煎餅好足料，每啖都有海鮮，都無話好多粉咁。
牛舌有驚喜，切得岩岩好，燒耐左當脆片咁食，又或者時間岩岩好juicy又有咬口，最重要係比牛肉更重牛味。牛肉我中意食d碎濕濕既多過大大塊，一黎易d控制時間唔洗過老，燒得又快，而且又入味d香口d。
雞脾菇就放係最邊邊，吸收漏出黎既肉汁當汁燒，都要燒好一段時間先淋，但咁多種菇係雞脾菇最大件最有口感。
再行出去一轉見到有三文魚刺身，新鮮肥美！好快比人搶晒但係佢地都refill得好快。
魷魚有咖哩辣味，清潔得好乾淨，無衣，食落夠彈牙，比魷魚蘇更有口感。仲有金菇肥牛卷，不過都係貪玩燒左兩條算，因為好容易裡面d金菇未熟出面塊肥牛就已經太老。
護心肉切得厚左d，但有得任食，乜都抵啦，有好似牛肉既質感又無咁肥膩既護心肉，感覺健康d。
我最中意既人參雞湯，人參味唔算濃，但任食黎講算好好質素。1人198加1。
張貼
