影片
更多
2020-01-11
75 瀏覽
我地大約係夜晚9點幾既時候去食ge，當晚樓面有2個工作人員，1個後生仔，另1個明顯比較老既，應該大約四五十歲。我地買左嘢穩左位坐低之後，發現個位對正風口位，問個後生仔可唔可以將個冷氣風力較細啲，個後生仔服務態度好好，又細心，調完之後有伸手係我上方feel下啲風係咪細左，又幫我睇下邊個位無咁涷，又主動問我需唔需要調位，之後好多時都係一個眼神望下佢，佢就會主動走黎問我地有咩需要，值得一讚！！！！但我想投訴另一個比較老既職員，估計應該係經理黎既，是咁的：啲牛排啱啱上既時候，真係唔錯既，味道OK，第一次食，飯裝得唔係好多，好快已經食完第一碗飯，想再裝既時候飯煲已經無晒，問下個後生仔，就話廚房已經煲緊飯，好啦，咁我地慢慢食啲牛同沙律邊食邊等啦，期間都見到隔離左右都開始催有無飯，過左大約十分鐘，個後生仔見我好心急咁望住廚房，都主動走埋黎同我講，仲有15分鐘左右，跟住我就講比佢聽，其實我唔係想催啲飯，只係啲牛肉唔等得，塊石板一直煎住啲牛肉，好快會扯乾晒水變「鞋」，個後生仔啲反應停左一兩秒，就即刻再走入廚房睇下情況，期間我地都有不斷郁下啲牛，盡量令啲牛肉唔好扯乾水變「鞋」。如是者過左15分鐘，新既一煲
我地買左嘢穩左位坐低之後，發現個位對正風口位，問個後生仔可唔可以將個冷氣風力較細啲，個後生仔服務態度好好，又細心，調完之後有伸手係我上方feel下啲風係咪細左，又幫我睇下邊個位無咁涷，又主動問我需唔需要調位，之後好多時都係一個眼神望下佢，佢就會主動走黎問我地有咩需要，值得一讚！！！！
但我想投訴另一個比較老既職員，估計應該係經理黎既，是咁的：
啲牛排啱啱上既時候，真係唔錯既，味道OK，第一次食，飯裝得唔係好多，好快已經食完第一碗飯，想再裝既時候飯煲已經無晒，問下個後生仔，就話廚房已經煲緊飯，好啦，咁我地慢慢食啲牛同沙律邊食邊等啦，期間都見到隔離左右都開始催有無飯，過左大約十分鐘，個後生仔見我好心急咁望住廚房，都主動走埋黎同我講，仲有15分鐘左右，跟住我就講比佢聽，其實我唔係想催啲飯，只係啲牛肉唔等得，塊石板一直煎住啲牛肉，好快會扯乾晒水變「鞋」，個後生仔啲反應停左一兩秒，就即刻再走入廚房睇下情況，期間我地都有不斷郁下啲牛，盡量令啲牛肉唔好扯乾水變「鞋」。
如是者過左15分鐘，新既一煲飯終於出左黎，我地已經第一時間裝飯，奈何啲飯真係等得太耐，牛排粒已經變得好難食，於是我地就叫左疑是經理的職員黎，同佢講明情況，當晚我地order既係「亂切牛排粒」，當時我地兩個人加埋只係剩返大約5~6粒牛排，請佢試下啲牛有幾難食，希望佢幫我地換返同樣5至6粒，比我地送埋啲飯食埋佢，結果佢話：「我地無啲咁既規矩，無得換架，其實你驚啲牛變鞋既話，你頭先可以放係啲沙律上面，或者放係個碗上面架」
哦，你的既意思係話我錯囉？我唔會預期你啲飯係會斷供仲要等咁耐架嘛！我亦都唔會想食件牛排仲要溝晒沙律味同牛湯味咯！更加唔會想堂食一件新鮮牛排熱完又涷，涷完又熱咁再擺返落口囉！仲有你依家張枱又唔係大，你覺得我地可以係張枱放十幾隻碗呀？
之後隔離枱聽到，問我地發生咩事，我地照實講返事件比佢聽啦，疑是經理果個人聽到之後，我地見到佢無啦啦鬧樓面的後生仔，大佬，我講緊的係你唔係第二個呀！係你的責任處理得唔好仲要走去鬧個細既，你知唔知個醜字點寫呀？
真係離超晒譜！！！！
張貼