杯中物

營業中

休息中

睇來我真係好耐冇喺旺角中心食嘢，以前中學時期經常去旺角中心買衫👗同埋食撈麵🍜，好懷念果段時期嘅開心快樂。今次比我見到角落頭位置原來有個小食corner🏟，下午四點幾都幾多人了，就學下啲🙆🏻‍♀️妹妹仔買幾款小食自己食吓，買買下就買左四款，🤷‍♀️搞到啲人以為我好大食(咁事實又真係嘅)🤣 不過都要講返佢啲味道都唔錯喎竟然👍🏻，比我想像中還要好，而且真係新鮮即叫即整，之後會比一個🖱電子等候牌客人，如果攞得食物嘅時候會必必響架，而家啲科技真係先進了。不得不讚原味牛柳粒，咬落去質感好軟熟，面頭還有幾粒黑椒夠晒滋味。芝士流沙鹹蛋黃炸雞粒賣相好精美，厚厚嘅芝士醬鋪滿面頭，原來當中含有鹹蛋黃味道，唔好以為淋左醬汁之後會有軟林林嘅外皮，反而係有香脆嘅口感！芝士肉醬薯條即叫即整，啖啖肉醬。還有法式芝士龍蝦汁炸蝦餅撈麵喺出面真係未見過，估唔到龍蝦汁撈麵又真係幾正喎。仲有數之不盡嘅美食，行完街一定要過嚟試吓。