影片
更多
2025-07-06
0 瀏覽
以前在奧海城附近返工，逢親和同事慶祝生日、慶功、或者farewell 同事，都會去大角咀lost stars live house。大角咀年代, lost stars 個場真係好靚（係走優雅路線），而且好寬敞，夜晚又有live show，係有格調果種，係可以靜靜地聽音樂享受美食嘅地方。唔好話大角咀，香港要揾呢類餐廳都好少有。加上佢食物高質，出品穩定，所以我前後都去咗10幾20次，就算轉咗工，都專程返去食。sorry，以上已成過去。大角咀店無做，我當然傷心。現在佢衝出大角咀，去咗銅鑼灣開店。食物質素呢，我覺得係維持到水準。格調，我認為大不如前。呢度話有「黑膠碟聽」，但我想講，個場都幾嘈，好多雜聲（不止是食客傾計聲，還有冷氣聲，好多不同聲）唔係好聽到音樂，如果係想「聽音樂」，我覺得係… 極度失望。另外，可能呢度定位係酒吧？每人入場必須點一杯嘢飲，但價錢同酒店lounge 差不多，咁如果淨飲，又想舒舒服服，真係去返酒店仲好，起碼唔使限時限刻。呢個真心負評。同埋呢度座位都幾迫，拎返大角咀比，真係會越講越傷心。總括來說，呢度最優越，只淨下location。我會形容佢為貴版 牧羊少年 或bean
大角咀年代, lost stars 個場真係好靚（係走優雅路線），而且好寬敞，夜晚又有live show，係有格調果種，係可以靜靜地聽音樂享受美食嘅地方。唔好話大角咀，香港要揾呢類餐廳都好少有。加上佢食物高質，出品穩定，所以我前後都去咗10幾20次，就算轉咗工，都專程返去食。sorry，以上已成過去。大角咀店無做，我當然傷心。
現在佢衝出大角咀，去咗銅鑼灣開店。食物質素呢，我覺得係維持到水準。格調，我認為大不如前。
呢度話有「黑膠碟聽」，但我想講，個場都幾嘈，好多雜聲（不止是食客傾計聲，還有冷氣聲，好多不同聲）唔係好聽到音樂，如果係想「聽音樂」，我覺得係… 極度失望。
另外，可能呢度定位係酒吧？每人入場必須點一杯嘢飲，但價錢同酒店lounge 差不多，咁如果淨飲，又想舒舒服服，真係去返酒店仲好，起碼唔使限時限刻。呢個真心負評。
同埋呢度座位都幾迫，拎返大角咀比，真係會越講越傷心。
總括來說，呢度最優越，只淨下location。我會形容佢為貴版 牧羊少年 或beans。原本的特色，只能在回憶裏尋找。
張貼