滷江湖 (已結業)

好耐都冇食過潮州菜，今次竟然喺呢間潮州菜俾我懷念返我仲熟悉嘅味道😁😁😁簡簡單單嘅一餐，兩個人叫咗酸菜魚、韭菜豬紅、同埋滷水件拼盤～～～本來想叫多個滷水鵝片，不過驚食唔晒所以都冇叫🤪•••韭菜豬紅好惹味，辣辣地，啱晒食得辣嘅我，最後兩個人清晒成碟😆😆••至於佢嘅滷水拼盤，入面有牛肚、豬頸肉、豬耳、雞～～好正啊，有齊咁多款，滿足晒自己把口🤪•••仲有酸菜魚，份量比我想像中大，啲魚肉質素都幾好！