影片
更多
2021-01-24
715 瀏覽
2021年1月20日 星期三相信每個人都會開始出現抗疫疲勞，由疫情開始到而家已經差唔多過咗一年，但係仍然未見到有改善，都唔知幾時先可以去到旅行，特別係我同老婆最鍾意嘅台灣，所以今日就唯有去到旺角朗豪坊買台灣食品，希望可以望梅止渴呢一間餐廳網上有好多好評，之前只係銅鑼灣有，最近好似喺旺角朗豪坊開咗分店，位於4樓食物廣場附近見到餐廳裝修得好有特色，有少少似台灣街邊嘅感覺，五光十色好吸引人既眼球餐牌方面大部份都係台灣食品，就連鴨血同王子麵都有提供，由於我哋係晚市只可以叫外賣，所以選擇左幾款滷味同鹽酥雞返屋企食揀咗咁多款滷味，再加埋鹽酥雞，每個人都唔使$100，感覺好似好抵食返到屋企打開食物蓋，發現食物仲係暖暖地，呢一個台式滷味裏面仲有好多配料，不過我覺得最重要係個醬汁，因為甜度啱啱好，食完唔會覺得口渴，而且顏色夠深，用嚟撈飯一流除此之外，百葉豆腐同白蘿蔔食落去好入味，好明顯用咗好多時間浸住先有呢一個效果，而且麻吉燒同甜不辣喺香港真係好少可以食到，仲要咬落去好煙韌最後仲有鹽酥雞，上面加咗塔香，所以一打開就好香，而且雖然凍咗少少，不過咬落去仍然脆口，調味足夠，越食越惹味，更加令到我好想快啲去台灣
相信每個人都會開始出現抗疫疲勞，由疫情開始到而家已經差唔多過咗一年，但係仍然未見到有改善，都唔知幾時先可以去到旅行，特別係我同老婆最鍾意嘅台灣，所以今日就唯有去到旺角朗豪坊買台灣食品，希望可以望梅止渴
呢一間餐廳網上有好多好評，之前只係銅鑼灣有，最近好似喺旺角朗豪坊開咗分店，位於4樓食物廣場附近
見到餐廳裝修得好有特色，有少少似台灣街邊嘅感覺，五光十色好吸引人既眼球
餐牌方面大部份都係台灣食品，就連鴨血同王子麵都有提供，由於我哋係晚市只可以叫外賣，所以選擇左幾款滷味同鹽酥雞返屋企食
揀咗咁多款滷味，再加埋鹽酥雞，每個人都唔使$100，感覺好似好抵食
返到屋企打開食物蓋，發現食物仲係暖暖地，呢一個台式滷味裏面仲有好多配料，不過我覺得最重要係個醬汁，因為甜度啱啱好，食完唔會覺得口渴，而且顏色夠深，用嚟撈飯一流
除此之外，百葉豆腐同白蘿蔔食落去好入味，好明顯用咗好多時間浸住先有呢一個效果，而且麻吉燒同甜不辣喺香港真係好少可以食到，仲要咬落去好煙韌
最後仲有鹽酥雞，上面加咗塔香，所以一打開就好香，而且雖然凍咗少少，不過咬落去仍然脆口，調味足夠，越食越惹味，更加令到我好想快啲去台灣掃街邊小食，希望疫情可以盡快結束啦
張貼
