鳥華亭

鳥華亭當年仲叫鳥華既時候已經食開，當年一試極上雞白湯已經驚艷非常，完全唔同豚骨，魚介既鮮味令我一星期都走去食一次，次次bottom up個湯。


咁滄海桑田，到左而家，湯頭既濃厚程度，比以前少左一半有多，鮮味都係，以前雞香四溢，而家靠近先聞到。姑勿論個前後對比，齋講雞白湯拉麵都只此一家，第二度都好難食到佐料係露筍同炸蓮藕片既拉麵。


雞白湯配既拉麵係幾與眾不同既，唔係太濃太肥，食落有種滋潤感既，好易入口，選擇能掛湯既捲麵為佳。而且，不得不提，佢既叉燒係雞肉叉燒食到係雞腿肉，走肥冇骨，非常好食，未食過我會建議一試的。

極上雞白湯拉麵

$120