Marco Bistro (已結業)

點解會懷住沉重既心情去食?? 因為女朋友岩岩俾人裁員，不過佢可能一早預左所以無乜感覺，但我就唔係咁開心，不過算啦，講返間餐廳先，我地比較遲去到，約莫10點幾鐘，去到唔駛等位，坐底之後諗左陣女友話要減肥，食沙律，本來想叫雞沙律，但後尾我話不如叫煙三文魚沙律，佢話是但啦，我就叫左個鵝肝釀鴨胸，再叫多個小食蒜蓉蘑菇，後尾仲見到有樽裝可樂，咁就梗係要叫番支飲下啦，等左一陣，先黎左個蒜蓉蘑菇，有豐富既蘑菇味，但食唔出有蒜蓉味，一般啦.... 跟住個三文魚沙律黎左，第一啖食落口幾濃芝士味，跟住再食就覺得略為濃左少少，因為咁樣令到我覺得有少少「漏」既感覺，同埋仲可以食到一粒粒既芝士粉，而三文魚味道我覺得幾好，不過好似少左DD，跟住再等左一陣，我個份鵝肝釀鴨胸，我覺得佢味道唔錯，鴨胸既硬身，鵝肝軟身，兩樣夾埋感覺到好有咬口，味道唔會太濃，不過食多兩份我諗都唔會飽;-)..... 食完之後我地叫左個tiramisu叫做幾好啦，無乜酒味，但係入口幾軟，唔會太甜，最後埋單340-350?? 唔記得，下次有機會試下佢其他飯及麵類先得~~ 另外仲有要讚既係佢地既服務幾好，全部都好有禮貌~~