白石燒烤

營業中

休息中

大熱天時燒野食? 呢句係當朋友提議想去燒野食既時侯我第句諗起既說話。 聽聞近年好興去燒烤場, 有齊哂食物飲品唔洗自己拎餐死, 咁朋友就介紹話可以去白石燒烤場試下。 地點唔算就腳, 但勝在有接駁巴士同停車場, 尚算方便。 陽光普照, 個門口好有夏威夷風格, 非常有氣氛。我地一行5人就揀左5人海鮮餐, 聽老闆講新推出左燒雞, 可以原隻雞咁拮住係火爐度燒, 聽落又幾過癮, 然後就二話不說即刻去開餐啦! 5人餐食物都幾多肉類, 個人喜歡佢地既醃雞扒, 有唔同風味。 泰式雞扒好特別, 香得黎帶點辣味, 非常開胃。主角當然係燒雞, 第一次原隻燒, 真係幾有風味。燒到咁上下就俾職員拎去烘同斬件。燒雞一擺上台已經聞到好香既味道, 可能因為慢慢用火咁燒, 雞肉非常嫩滑。外皮經過火烤, 咬落去脆卜卜。估唔到原始人咁燒會有皮脆肉嫩既效果!話明海鮮餐就梗係唔少得海鮮, 扇貝可以用配送既牛油同蒜一齊燒, 當然可以參考天書既做法, 各有風味!總括黎講食物質素唔錯, 場內通風設施做得好足, 大熱天時燒都唔會身水身汗。而且燒雞又比想像中特別同好食, 親手燒係唔同d既。 期望下次可以再多人一齊黎燒野食~~