燒魂貓 (已結業)

懶人外賣精選⭐️今日咁岩經過葵興呢條街先發現原來呢度有幾間專做外賣嘅餐廳，仲要有一間係食串燒同埋日式飯，啱晒我今日嘅心情。唔想煮飯，呢度實在經濟又實惠！串燒款式都多，經過嘅時候已經聞到好香。可惜如果要食嘅話都要等15至20分鐘。由於好肚餓嘅關係，我只係叫咗兩個飯外賣就算，唯有串燒下次先試。⭐️慢煮安格斯牛丼飯 $68安格斯牛慢煮得啱啱好，大概五成熟，肉汁啱啱鎖得住，有牛味。加上佢個溫泉蛋煮得好好，撈埋啲飯一齊食，簡直係將個飯升華左。⭐️西班牙黑豚叉燒飯$64呢個真係有驚喜，叉燒肥瘦平均，Ines好完美，油香味重，溫泉蛋撈埋豉油日本飯，令到本身好想食飯嘅我都忍唔住係咁食🙈