串Grill 自助燒烤專門店 (譽發廣場) (已結業)

星期六去油麻地譽發廣場試試哩間自助燒烤新分店，午市時段每位$198可以吃足2個鐘，串燒種類有雞、牛、豬、丸、腸、菇類🍄、菠蘿🍍、豆卜等，飲品可以任飲，仲有好少見嘅燕麥豆乳，感覺即刻健康咗。餐廳座位寬敞，冷氣好夠凍，雖然對住個爐燒，我同朋友都要一直著住樓，所以唔會覺得焗😆。肉類全部已經穿好一串串，沒有調味，檯面有調味粉同燒汁可以根據自己口味調配。最推介係燒鯖魚🐟，平時燒烤一定會燒到甩皮，串燒就自動燒得好靚仔。甜薯🍠同菠蘿🍍都好吃。牛肉選擇都有四款，避免燒太耐，唔係就會變牛肉幹😂。全程手機落單，上菜速度快，密密燒都夠時間吃飽飽。