鮪屋日本料理 (已結業)

去灣仔溫莎聽研討會，由九點半到十二點幾，最期待就係午餐。喺溫莎行過少少，見到有間日本野，同個fd都想試。行近看看有無午餐，午餐有好多選擇。於是就進去了。店子好細，直直長長的，我地坐近門口嘅二人位，座位有點迫。午餐真係好多choice，有大約15款！我要咗蔥吞拿魚腩三文魚飯，朋友要咗壽司烏冬定食。配有沙律同麵豉湯。沙律同麵豉湯先來，生菜加上酸酸的芝麻醬，不錯。麵豉湯有好滑嘅豆腐粒，湯不會太咸。朋友嘅壽司烏冬定食先來，一碗湯烏冬，配以6款壽司。有甜蝦、吞拿、劍魚腩、海膽等，好豐富嘅配搭。再過五分鐘，我嘅蔥吞拿魚腩三文魚飯來了！賣相不錯，粒切三文魚放喺蔥吞拿魚腩上。蔥吞拿魚腩份量好多，當撈飯嘅時候就發覺肉多過飯，很慷慨！蔥吞拿魚腩非常新鮮，一丁點腥味都無，鮮味非常。粒切三文魚絕唔係瘦到無油嗰d，而係用上腩位，所以油脂豐富。才$100嘅定食就有咁高水準，用料新鮮，份量絕不姑寒，認真值得一讚！