影片
更多
2023-02-21
24 瀏覽
今日係相識20年嘅好閨蜜生日，當然要帶佢食一餐好㗎喇，sugar+坐擁靚景，仲有一系列嘅高級餐廳，今日嚟到當中嘅26樓食鐵板燒！✨季節前菜（2款）汁煮蘿蔔配上木魚絲，先作清一清喉嚨之用，清清甜甜，帶點冰涼。鮟鱇魚肝配上脆餅，入口好滑，口感豐富！✨時令季節生蠔日本真蠔已經起咗殼，配上柚子啫喱同魚籽，蠔肉相當飽滿，口感creamy。✨刺身由廚師發辦三款季節刺身：深海池魚配紅心大根，入口微爽，魚脂豐富；鮫鰈魚肉透白，清清甜甜；拖羅顏色極為粉嫩，入口無筋，極為軟柔，一嚐三品相當滿足。✨鐵板燒香草牛油紐西蘭海蛪蝦紅橙色嘅蝦身相當搶眼，師傅細心地已起好蝦肉，一開為二，入口鮮甜得過份，且帶有淡淡的牛油香氣，肉質爽口清甜，蝦頭帶膏液，十分甘飴。✨北海道帆立貝配三文魚籽絕對係鹹甜嘅奢華組合，帆立貝完全係Jumbo size，煎得半生熟嘅狀態，口感極好且湯汁好鮮！✨法國鵝肝配自家製黑醋鵝肝配上黑醋油膩度即刻大減，鵝肝入口油脂爆滿，豐膄軟柔。✨澳洲M9牛舌牛舌比起一般嘅厚身，師傅燒得好有功架，咬落爽口，牛味濃郁，絕不油膩。✨牛肉各點左一份厚、薄。上碟擺盤整齊，可以先食咗洋蔥沙律清清喉嚨，薄身的牛肉油份較重，
✨季節前菜（2款）
汁煮蘿蔔配上木魚絲，先作清一清喉嚨之用，清清甜甜，帶點冰涼。鮟鱇魚肝配上脆餅，入口好滑，口感豐富！
✨時令季節生蠔
日本真蠔已經起咗殼，配上柚子啫喱同魚籽，蠔肉相當飽滿，口感creamy。
✨刺身
由廚師發辦三款季節刺身：深海池魚配紅心大根，入口微爽，魚脂豐富；鮫鰈魚肉透白，清清甜甜；拖羅顏色極為粉嫩，入口無筋，極為軟柔，一嚐三品相當滿足。
✨鐵板燒香草牛油紐西蘭海蛪蝦
紅橙色嘅蝦身相當搶眼，師傅細心地已起好蝦肉，一開為二，入口鮮甜得過份，且帶有淡淡的牛油香氣，肉質爽口清甜，蝦頭帶膏液，十分甘飴。
✨北海道帆立貝配三文魚籽
絕對係鹹甜嘅奢華組合，帆立貝完全係Jumbo size，煎得半生熟嘅狀態，口感極好且湯汁好鮮！
✨法國鵝肝配自家製黑醋
鵝肝配上黑醋油膩度即刻大減，鵝肝入口油脂爆滿，豐膄軟柔。
✨澳洲M9牛舌
牛舌比起一般嘅厚身，師傅燒得好有功架，咬落爽口，牛味濃郁，絕不油膩。
✨牛肉各點左一份厚、薄。上碟擺盤整齊，可以先食咗洋蔥沙律清清喉嚨，薄身的牛肉油份較重，厚嘅肉質相對有嚼頭，肉味亦夠香濃，各加上蒜片同蔥花實為最佳配搭。
✨黑松露蟹肉炒飯
米飯炒得粒粒分明，黑松露嘅味道清清幽幽，師傅更加毫不吝嗇地加入大量蟹肉，整體鹹香適中。
✨甜品
以抹茶奶凍作結。整個甜品都係師傅自家製，抹茶並無苦澀味，奶凍超滑，而且唔會太甜，再襯上一口熱茶，果真完美。
張貼
