影片
更多
2010-02-22
12 瀏覽
今天係我同男友的週年紀念日, 因有日航酒店coupon, 所以黎試下自助餐. 今次的自助餐的主題是黑松露. 沒有相片, 只好憑記憶寫下吃過甚麼.環境: book位0個陣職員已表示我們的座位會離食物枱較遠, 到場後反而覺得我們的座位幾好. 雖然我們坐在走廊通道, 但餐廳的另一邊的客人唔多, 走過通道的人都唔係話太多, 又唔使怕隔離枱聽到我地講咩. 而且食物枱又唔係真係好遠, 行廿步都到, 更遠離油煙 (有鐵版燒), nice!不過食物枱0個邊既範圍太細, d counter 又多又密, 通道唔闊, 有時都幾迫0下!! 冷盤 - 選擇很少, 幾失望.1) 沙律選擇很少, 連男友最愛的薯仔沙律也欠奉2) 海鮮有青口, 蟹腳及熟蝦, 都幾新鮮, 但係冇鋏食蟹腳真係幾麻煩. 同埋冇我鍾意食既生蠔.3) 有幾款黑松露小食, 味道一般.湯 - 蕃茄忌廉湯同花旗蔘瘦肉湯, 太飽冇試到包 - 選擇唔多, 男友投訴冇牛角包!! 熱葷 - 1) 黑松露鵝肝: 好搶手, 外邊煎得幾香, 夾 bread 食一流~2) 黑松露蒸蛋: 咁0岩佢新鮮整起在廚房拿出黎, 好香好滑好好味. 我食完再encore!!! 3
環境:
book位0個陣職員已表示我們的座位會離食物枱較遠, 到場後反而覺得我們的座位幾好. 雖然我們坐在走廊通道, 但餐廳的另一邊的客人唔多, 走過通道的人都唔係話太多, 又唔使怕隔離枱聽到我地講咩. 而且食物枱又唔係真係好遠, 行廿步都到, 更遠離油煙 (有鐵版燒), nice!
不過食物枱0個邊既範圍太細, d counter 又多又密, 通道唔闊, 有時都幾迫0下!!
冷盤 - 選擇很少, 幾失望.
1) 沙律選擇很少, 連男友最愛的薯仔沙律也欠奉
2) 海鮮有青口, 蟹腳及熟蝦, 都幾新鮮, 但係冇鋏食蟹腳真係幾麻煩. 同埋冇我鍾意食既生蠔.
3) 有幾款黑松露小食, 味道一般.
湯 - 蕃茄忌廉湯同花旗蔘瘦肉湯, 太飽冇試到
包 - 選擇唔多, 男友投訴冇牛角包!!
熱葷 -
1) 黑松露鵝肝: 好搶手, 外邊煎得幾香, 夾 bread 食一流~
2) 黑松露蒸蛋: 咁0岩佢新鮮整起在廚房拿出黎, 好香好滑好好味. 我食完再encore!!!
3) 黑松露汁豬扒: 男友話好食
4) 芝士生蠔: 味道ok~
5) steak: ok, 幾滑~ 仲有肉排, 但我冇試到
6) 其他仲有黑松露汁煮魚, 一般既炒雜菜... 等等
日式食品 -
1) 魚生: 有三文魚, 吞拿魚, 鯛魚同八爪魚, 由師傅即席切片, 幾新鮮
2) 壽司: 約有10款,都係好普通既款式. 由師傅即席手握而成, 飯幾軟熟, 夾起黎都冇散
3) 天婦羅: 蝦新鮮炸起, 很香脆, 蘸上沙律醬, 好好食 ; 仲有炸芋頭粟子餅, 甜甜地都幾好食. 其他仲有炸蕃薯 / 南瓜... 但我冇試
4) 關東煮: 太飽冇試, 但佢拿 d 紅蘿蔔黎做關東煮我覺得好怪!!
印度食品 - 所有食品都好歡迎, 加上全是即製, 故要耐心等候
1) 油酥餅: 毫不油膩, 配上辣辣咖哩很棒, 我們又黎encore. 試過廚師會嫌 d 餅太焦, 寧願掉左佢都唔serve 比人(其實我覺得可以接受) .
2) 花生酥餅: 菜單上沒有的食品, 廚師在酥皮上塗上花生醬及菠蘿忌廉, 加上砂糖及果仁碎後烤製, 外皮烤得脆脆, 內裡則又香又軟, 果仁粒粒很有嚼勁, 使人吃不停口;
3) 薑拉茶: 很幼滑, 加上濃濃的薑味, 很是暖胃, 又要encore
4) 洋蔥蛋薄餅: 冇試到, 但廚師話好辣喎!!!
印度廚師識講廣東話, 仲口花花同人傾計, 雖然 d 野食要等, 但等得好開心!!
鐵版燒 - 有黑松露炒肉眼 / 豚肉 / 魚. 我地食左黑松露汁雞脾菇炒肉眼粒, 好香好惹味
意大利粉面 - 可以自己選配料 / 汁 / 面類. 男友貪心拿左很多材料比廚師煮意大利飯, 食落相當足料, 可惜落得太多 cream, 太濕!!
車仔面: 雖然知道呢度 d 雲吞出名, 但因為其他野食吸引d, 所以冇試~
甜品 - counter 好細, 大家食到咁上下個個都走去拿甜品食, 好迫...
1) 生果: 一般大路選擇, 太飽冇試到
2) 蛋糕 / 甜品: 全部都切好晒細細件放在雪櫃入面, 廚師refill得好快, 感覺衛生. 但 d 食物牌放到亂晒, 都唔係邊樣打邊樣...
3) 焦糖燉蛋: ok, 冇其他人講到咁差喎!!!
4) crepe: 生果有士多啤利, 奇異果同火龍果, 但係冇香蕉. 個皮唔夠滑, 冇想像中咁好食~
5) 雪糕: HD 貨, 有士多啤利, 咖啡, 朱古力同雲尼拿味
6) 豆腐花: 男友話好食
飲品: 有2款沙冰同汽水機, 但我地冇試到
服務: 態度幾好, 收碟又快. 不過有時快得滯, 有幾次我地都未食完, 個碟仲有少少野食, 佢都想收走......
後尾發現張 coupon 過左期, 男友用恒生咭找數有9折, 2個人total $800. 如果用中銀咭找數, 1-3位有8折, 4位或以上 75 折.
老實講食物選擇唔多, 尤甚係冷盤令人好失望. 但食到 d 平時自助餐食唔到既野, 有 d 仲幾有驚喜, 我地2個都食到好飽好飽, 真係飽到唔想講野呀!!! 都值得一去既~!!
張貼