Ruby Tuesday (已結業)

提早在琴晚(5/9)黎呢度食晚飯，第一次食。7點幾黎到，叫左regular拼盤(炸蝦、炸魷魚、雞翼同薯皮)、超級漢堡飽、海鮮闊條麵同朱古力shortcake。另外，叫左一杯mega size0既芒果特飲(D字頭的)。杯野好飲，d野好食。整晚差唔多都係阿Matt serve我地，佢好好人，又會推介野食野飲俾我地，服務好好，又幫我地影相。所以對呢間野0既印象好好，一定會再黎過。氣氛亦唔錯。因為第一次食，所以叫左咁多，食唔哂，海鮮闊條麵惟有打包，沙律都食唔到。食到9點度就走。希望快d會再黎啦!想再試下其他野，同埋食tallcake！呢間餐廳幾好食呀，點解尖咀間分店會摺左架？不過如果正價食，就幾貴下。