漁之部屋 (已結業)

今晚係妹仔生日，佢話想食放題。一定會叫刺身，大大盤見到都好滿足，樣樣都好新鮮，片片厚切！希靈魚食落爽脆，甜蝦好味鮮甜，好味。前菜一定會叫芝麻八爪魚，中華沙律同味付螺肉。芝麻雞翼炸得好香脆，仲有唔少芝麻，令成隻雞翼更香口！天婦羅，唔會太油，炸漿唔算厚，蝦身夠粗，好有口感；南瓜就好甜好脆，唔錯。鹽燒海蝦係必食必食！！！唔係死蝦仲好彈牙。羊架羊味夠juicy嫩滑。牛脷厚切爽口，牛味十足。食菠蘿就可以中和，減少油膩感。