KABOOM

本來以為尖沙咀嘅餐廳都差唔多，結果呢間Kaboom直接打破我對「晚餐」嘅定義😱每一道菜都好似開緊演唱會，主菜係主唱，飲品就係和音，而甜品就係Encore💕🥩 Thai Beef Tartare with Bone Marrow生牛肉混合泰式香料，酸酸辣辣好開胃，骨髓香到好似係嘴入面開左個小型燒烤派對🥳一啖落去，泰國街頭＋法國餐廳同時出現🤩🦞 Lobster Pasta with Lobster Tail龍蝦尾超厚肉，意粉吸滿龍蝦醬汁，鮮味爆棚😙唔係普通嘅海鮮意粉，係「龍蝦本人」親自下場演出🎭🥩 Flank Steak with Tomato Butter Risotto牛肉煎得啱啱好，外脆內嫩，配上番茄牛油燴飯，酸香奶油感完美融合，好似係舌尖上跳探戈💃🍌 Banana Toast with Fruit Salad香蕉多士外脆內軟，焦糖香氣滿分，配上清新水果沙律，甜而不膩，收尾超舒服🥰🍹 飲品都有戲：Padang：酸甜果香＋香料，像在峇里島喝一杯陽光☀️Mandalay：香料感濃郁，尾韻神秘，好想再黎一杯🥃整體氣氛 chill 得黎好舒服，食物又唔錯，完全值得再訪❤️