享慢煮意 (善慶街) (裝修中)

中上環果然係一個臥虎藏龍嘅地方，只要行上小小，就會發現好多唔錯嘅Cafe同小店。今次黎到善慶街，一間以慢煮菜式為主題嘅餐廳，意外發現咗原來佢嘅輕食都唔錯，特別係佢嘅流心牛角包同埋咖啡。除咗平時都會提供嘅龍蝦湯流心牛角飽，海鹽焦糖咖啡牛角包之外，今次仲推出左期間限定嘅冬陰公流心牛角包。切開之後，冬陰公湯傾巢而出，熱辣辣。除咗酸味之外，輕輕的辣味刺激味蕾。淡淡的椰香，加上牛角包面頭嘅椰絲，好夾。妹妹話呢個芝麻流心牛角包，好似食得到嘅芝麻糊一樣。Tiramisu Cheesy. 話佢係一杯飲得到的Tiramisu 實在冇講錯! 好驚喜呀真係，上層的芝士奶蓋好綿滑，底下的coffee 偏酸，同芝士的甜味好夾！男朋友因為唔係好夠飽，所以叫咗意粉，慢煮流心蛋番茄意粉，原來醬汁係店主自家條配，所以食落都唔會過咸。淡淡的甜味好易入口，意粉絕對能夠做到A Dente!喺星期日能夠係呢一個咁休閒嘅地方嘆翻個brunch, 真係將星期一至五嘅勞碌都一掃而空。重點係，呢度老闆娘曾經喺法國學廚！唔單止識食，仲識得煮，能夠同呢一啲對食物咁用心嘅人交流都真係獲益良多。