朋友叫咗一個手沖咖啡，我地一齊share嚟試下，聽講呢度既手沖咖啡係最出名，佢係用埃塞俄比亞既咖啡豆，飲落去有啲檸檬味同淡淡酸味，飲飲下又有啲白桃味，而飲既時候，味道由熱到開始涼都會有變化，中間會開始有啲香既感覺，再飲落去又會變得好清爽。
我自己就叫咗杯Peach Soda($40)，飲落去好清香，味道唔會太過甜，Soda水既味道再淡淡有啲桃味，好好飲。
另外朋友叫既Cafe Latte($38)同埋Marshmallow Chocolate($40)。
到食物啦，朋友叫既「碎果仁青醬扁意粉伴烤雜菜」($142)，因為自己唔食果仁，所以就無食到，不過朋友都幾鐘意，成個食晒咁濟。
再叫咗「48小時慢煮煙燻手撕豬溫泉蛋扁意粉」($152)，第一次試手撕豬，溝埋溫泉蛋有啲鮮味感覺好特別，幾creamy，自己幾鐘意。
「慢煮香草鹽漬春雞燴米型粉」($198)，聽店員介紹，雞係醃製咗兩日，好有誠意，而出嚟之前再用咗氣蓋去焗佢鎖無啲味道，雞又係唔「鞋」，好好食。而米型粉好少係出面會食到，我自己幾鐘意，口感好creamy，但又唔會太「流」，店員話選手用米型粉而唔用飯或者意粉既原因係因為佢比呢兩樣食材更加鎖汁，所以就有我提及好creamy既效果，每粒都好滑。
而重點嚟，聽呢度除咗手沖咖啡之外，最出名既就係呢個「慢煮安格斯腹肉牛扒伴薯蓉」($268)，店員有介紹呢隻係butcher's Steak，係香港好少會有，因為真係好少見，而呢個部位係無成條硬既筋位。而呢個都有慢煮咗個鐘然後再煎，我同朋友們都超級鐘意呢個，因為真係非常好食，未試過食牛咁軟熟既部位，食落去牛味好豐富，又非常有口感，下次十分考慮再嚟叫呢個！！
