享慢煮意 (善慶街) (裝修中)

最近終於恢復晚市，想食有水平既西餐，就專登去上環呢間以慢煮為主打既特色餐廳。果然不出我所料，認真好好食。首先叫左一個set dinner，前菜係爆漿蟹膏流心牛角包，一切開就見到熱騰騰既蟹汁流出黎，仲有好多蟹肉，食落充滿蟹肉既鮮味，配合牛角包既鬆化口感，層次好豐富，而且想法好有創意。主菜係英式威靈頓牛柳，出面係一層酥皮，入面夾住口感完全唔硬好嫩滑，以慢煮方式控制火候鎖住肉汁既牛柳，同埋好多黑松露，配合埋一齊既三重口感。一旁既沙律菜亦都好新鮮，紅色既菜都食落唔硬充滿水份。甜品就係 白松露雪糕配焦糖燉蛋，第一次食呢種味道既雪糕，認真好特別，食落有一種淡淡既白松露味道，調味唔太濃令人食落舒服，配合士多啤梨乾同餅乾碎，增添另一番風味。燉蛋都有好豐富既蛋香，食落甜甜，口感嫩滑。其實另外我仲 叫左一道 慢煮三文魚扁意粉，三文魚以慢煮方式烹調真係一絕，口感鬆化，加上意粉整得軟硬適中，咬落明顯覺得係手打先至有呢種咬口。整體其實菜式都好高水平。