香港郵意 (已結業)

香港生活節奏急速，能夠搵到一個輕鬆寫意既地方好難。但係好彩係尖沙嘴咁繁忙既地方，我搵到一間做到慢活人生既餐廳叫香港郵意。間餐廳格局非常優靜，給予人非常寛敞舒服既感覺，牆上更貼滿具香港特色既名信片。我地睇完menu後就叫左香草汁菠菜雜菌意粉 (HKD 58)，班尼迪克蛋 (HKD 128)，鮮奶抹茶 (HKD 48)同埋泡沫咖啡 (HKD 38)。 個菠菜意粉賣相唔錯，個sauce 有少少creamy得黎，但唔會太油膩飽滯既感覺。而且用料都充足，味道亦都唔錯，唔會只係得意粉。至於個班尼迪蛋，非常豐富，有煙肉，火箭菜，英式鬆餅，蕃茄，三文魚，磨菇，同有流心蛋，絕對我既my飛佛。 賣相同味道認真唔錯。至於個抹茶同咖啡個拉花都幾靚有水準，味道都唔錯。至於我地食完後，就要自己分番用過唔同既餐具方便回收。 我覺得咁樣幾好，可以提高個人既環保意識。