拿拿聲趁個客未到先食野，選擇其實都相當多，小菜、碟頭飯、粉麵、扒餐，平價至中上價都有，任君選擇！我就揀左個「紫菜三寶米線」連熱奶茶($51)，晚餐黎講算抵！而且上菜速度都好快！
魚湯淡淡地，感覺無味精，魚旦有3粒，好彈牙！
魚腐兩舊唔會太淋，春卷一條同樣有咬口
，紫菜有一堆，都OK，唔會似有時食到會噎親。不過米線偏碎，用spoon幫手好D。奶茶值得一讚，好滑溜！
我有時飲完奶茶都會唔舒服，但今次無！呢間都係支持無飲管的店，讚！
結果今晚我地坐到人地打佯，證明係一個可以慢慢坐的好地方！(相信只限平日)
